Adzin z samych redkich i nieardynarnych z vonkavaha vyhladu hryboŭ — sparasis kučaravy, abo «hrybnaja kapusta», znojdzieny ŭ zakaźniku «Aziory» ŭ Hrodzienskaj vobłaści. Hryb zaniesieny ŭ Čyrvonuju knihu Biełarusi jak źnikajučy vid, rvać abo razburać jaho zabaroniena. Pra niezvyčajnuju znachodku napisaŭ Sputnik sa słoŭ hrodzienskaha kinarežysiora Maksima Harmaša.
«Časta byvaju ŭ lasach pad Hrodnam, ale sparasis kučaravy sustreŭsia ŭpieršyniu. Heta ŭnikalny hryb, sapraŭdny skarb zakaźnika. Ja zrabiŭ fota i videa na pamiać. I chaču raskazać usim, chto adpraŭlajecca ŭ les, kab byli ŭvažlivymi. Kali sustreniecie taki hryb, nie treba jaho zryvać, tamu što jon achoŭvajecca dziaržavaj jak vid, što źnikaje», — adznačyŭ Maksim Harmaš.
Sparasis kučaravy adnosicca da trutavych hryboŭ, jakija rastuć na miortvaj draŭninie, a vonkavym vyhladam adroźnivajucca ad kłasičnych. Ich pładovaje cieła nie maje kapialušyka i nožki, a razrastajecca ŭ mudrahielistyja formy.
U narodzie sparasis kučaravy nazyvajuć «hrybnoj kapustaj», bo jon maje formu kučaravaha šara i zdaloku vielmi nahadvaje kalarovuju kapustu. Sparasis jadomy, ale źbirać jaho vielmi stroha zabaraniajecca, jon zaniesieny ŭ Čyrvonuju knihu Biełarusi i inšych krain.
U pačatku listapada ab źjaŭleńni čyrvanaknižnaha hryba paviedamili ŭ pres-słužbie Nacyjanalnaha parku «Biełaviežskaja pušča». Tam paraili amataram «cichaha palavańnia» pry vyjaŭleńni redkaj dla Biełarusi «hrybnoj kapusty» nie zrezać sparasisu, a tolki palubavacca jaho pryhažościu i zrabić fota na pamiać.
Za zbor čyrvanaknižnaha hryba pahražaje bujny štraf — ad 20 da 30 bazavych vieličyń (740 da 1110 rubloŭ) dla fizičnych asob i ŭ niekalki razoŭ bolšy dla jurydyčnych.
«Pačała prymać uprykusku ź limonam, dla vitaminaŭ». U Słonimskim rajonie dźvie žančyny atrucilisia muchamorami
Ci viedajecie vy, što z vami budzie, kali vam padaduć niedastatkova pravaranyja hryby šyitakie?
Minčuk znajšoŭ hihancki jadomy hryb, jaki zavažyŭ 11 kiłahramaŭ
U Nacyjanalnym parku «Prypiacki» znajšli čyrvonaknižny hryb
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary