«Pačała prymać uprykusku ź limonam, dla vitaminaŭ». U Słonimskim rajonie dźvie žančyny atrucilisia muchamorami
Dźvie žančyny ŭ Słonimskim rajonie trapili ŭ balnicu paśla «lačeńnia» muchamorami, piša BiełTA na padstavie śviedčańnia zahadčycy adździaleńnia hihijeny charčavańnia Hrodzienskaha abłasnoha centra hihijeny i epidemijałohii Maryja Rufkina.
«Adna ź ich, 44-hadovaja žycharka rajona, znajšła ŭ internecie recept lačeńnia reŭmatyzmu šapačkami muchamoraŭ. Sabrała atrutnyja hryby, vysušyła ich na batarei aciapleńnia ŭ kvatery i prystupiła da kursu «azdaraŭleńnia». Praŭda, praciahnuŭsia jon niadoŭha. Z atručvańniem žančyna trapiła ŭ balnicu i zastałasia žyvaja tolki dziakujučy apieratyŭnaj dapamozie miedykaŭ.
Druhaja žančyna, 45 hadoŭ, pračytała ŭ siecivie, što šapački muchamoraŭ zdymajuć depresiju, i, vysušyŭšy hryby ŭ duchoŭcy i zatym na batarei, zdrabniła i pačała prymać uprykusku ź limonam, «dla vitaminaŭ». Vynik toj ža — atručeńnie i balnica. Bałazie, maci žančyny svoječasova zaryjentavałasia i vyklikała chutkuju», — raskazała zahadčyca adździaleńnia.
Śpiecyjalistaŭ sanitarna-epidemijałahičnaj słužby turbuje fakt, što navat adukavanyja ludzi daviarajuć receptam ź internetu, mnohija ź jakich nie tolki bieskarysnyja, ale i niebiaśpiečnyja.
22-hadovaja biełaruska atruciłasia sušanymi muchamorami ŭ prestyžnym maskoŭskim hateli
Ci viedajecie vy, što z vami budzie, kali vam padaduć niedastatkova pravaranyja hryby šyitakie?
U Biarozaŭskim rajonie piensijanierka atruciłasia apieńkami. Jak tak stałasia?
Minzdaroŭja zabaraniła ŭvoz i zachoŭvańnie muchamoraŭ
Kamientary
a! uspomniła. heta ž "mikradozinh" u ich zaviecca. u kaho ŭ ich? nu ŭ kaho-kaho - u hetych - z uschodu
tam navat kupić takoje možna - https://alatau.market/catalog/tovary_dlya_zdorovya/gribnaya_apteka/1054/
(NI Ŭ JAKIM SENSIE NIE NA PRAVACH REKŁAMY)
(spasyłku ja nižej)) pryviała
nu. što nie tak? zašybis sredstva)