Svajaki eks-kandydata ŭ prezidenty praz druhija ruki atrymali paćvierdžańnie, što jaho pa čarzie kidajuć to ŭ ŠIZO, to ŭ adzinočku PKT, piša Radyjo Svaboda.
«Jaho pazbavili prava na zvanki, pazbavili adzinaj na hod pieradačy i spatkańnia. Siadzić u adzinočnaj kamiery PKT, jakuju rehularna čarhujuć z ŠYZA», — paviedamiła krynica, spasłaŭšysia na čałavieka, jaki adbyvaje pakarańnie ŭ inšaj kałonii, ale niadaŭna atrymaŭ źviestki pra hłybockuju kałoniju № 13, dzie trymajuć Statkieviča.
«280 dzion «cišyni» minuła. Kolki jašče?» — hetakim byŭ apošni dopis u fejsbuku žonki palityka Maryny Adamovič, jakaja viadzie padlik dzion vymušanaha maŭčańnia svajho muža.
Apošnim razam Maryna Adamovič atrymała list ad Mikałaja Statkieviča 9 lutaha.
Stanam na 21 listapada Mikałaj Statkievič užo 285 dzion nie telefanavaŭ svajakam, ad jaho nie dachodziać listy, adrasavanyja jamu miedyčnyja banderoli viartajuć. Taksama da palitviaźnia nie moža trapić advakat.
Byłoha kandydata ŭ prezidenty na vybarach 2010 hoda Mikałaja Statkieviča zatrymali 31 maja 2020 hoda i praz paŭtara hoda asudzili na 14 hadoŭ źniavoleńnia va ŭmovach asablivaha režymu pavodle 1 častki artykuła 293 Kryminalnaha kodeksa (arhanizacyja masavych biesparadkaŭ).
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ11
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary