Łukašenka pryznačyŭ novych pasłoŭ. Ministra ekanomiki adpraviŭ pasłom u Kitaj
Alaksandr Łukašenka 20 listapada pryznačyŭ pasłoŭ u Kitaj, Zimbabve, PAR, Sierbiju i Indanieziju, paviedamlaje BIEŁTA. Ministra ekanomiki jon adpraviŭ u Kitaj, a kiraŭnika DFR — u Zimbabve.
Alaksandr Čarviakoŭ, jaki pracavaŭ na pasadzie ministra ekanomiki, pryznačany Nadzvyčajnym i Paŭnamocnym Pasłom Respubliki Biełaruś u Kitajskaj Narodnaj Respublicy.
Ihar Maršałaŭ, jaki zajmaŭ pasadu namieśnika staršyni Kamiteta dziaržaŭnaha kantrolu — dyrektara Departamienta finansavych rasśledavańniaŭ, pryznačany Nadzvyčajnym i Paŭnamocnym Pasłom Respubliki Biełaruś u Respublicy Zimbabve.
Nadzvyčajnym i Paŭnamocnym Pasłom Respubliki Biełaruś u Paŭdniova-Afrykanskaj Respublicy i pa sumiaščalnictvie ŭ Respublicy Batsvana, Respublicy Mazambik i Respublicy Namibija naznačany Ihar Bieły. Dahetul jon pracavaŭ načalnikam hałoŭnaha ŭpraŭleńnia Azii, Afryki i Łacinskaj Amieryki Ministerstva zamiežnych spraŭ.
Siarhiej Malinoŭski, jaki kiravaŭ hałoŭnym infarmacyjna-analityčnym upraŭleńniem MZS, adpravicca pracavać Nadzvyčajnym i Paŭnamocnym Pasłom Respubliki Biełaruś u Respublicy Sierbija i pa sumiaščalnictvie ŭ Respublicy Paŭnočnaja Makiedonija.
Raman Ramanoŭski pryznačany Nadzvyčajnym i Paŭnamocnym Pasłom Respubliki Biełaruś u Respublicy Indaniezija i pa sumiaščalnictvie ŭ Małajzii, Respublicy Sinhapur i Respublicy Filipiny. Da pryznačeńnia na hetuju pasadu jon pracavaŭ namieśnikam načalnika hałoŭnaha ŭpraŭleńnia — načalnikam upraŭleńnia ahulnajeŭrapiejskaha supracoŭnictva hałoŭnaha ŭpraŭleńnia Jeŭropy i Paŭnočnaj Amieryki MZS.
Łukašenka taksama daŭ zhodu na naznačeńnie hienieralnym konsułam Respubliki Biełaruś u h. Mumbai (Respublika Indyja) Alaksandra Macukova, jaki dahetul pracavaŭ načalnikam upraŭleńnia ŭ pytańniach hramadzianstva i vyjezdu za miažu hałoŭnaha konsulskaha ŭpraŭleńnia MZS.
Kamientary
porochakonfiet iz suchoho mołoka, a hienierała otpravił za zołotom i ałmazami v Zimbabvie.babuškinojdieduškinoj krynki.