Rakieta Starship Iłana Maska znoŭ uzarvałasia paśla testavaha zapusku
Praź niekalki chvilin paśla zapusku z kasmadroma ŭ štacie Techas dźvie prystupki rakiety, jak i płanavałasia, padzialilisia. Nieŭzabavie paśla hetaha nižniaja prystupka rakiety, jakaja pavinna była pryziamlicca ŭ Mieksikanski zaliŭ, uzarvałasia.
Vierchniaja prystupka niekatory čas praciahvała lacieć, adnak zatym u SpaceX paviedamili, što jana taksama ŭzarvałasia. Heta ŭžo nie pieršaja testavaja sproba zapusku rakiety Starship: anałahičnyja vyprabavańni ŭ krasaviku pravalilisia. U SpaceX zajavili, što hety zapusk byŭ bolš paśpiachovym za papiaredni ŭ dziasiatki razoŭ, paviedamlaje Bild.
Miljarder Iłan Mask choča vykarystoŭvać Starship dla taho, kab dastavić ludziej na Miesiac, a paśla — i na Mars.
Kaśmičny karabiel maje rekordnyja charaktarystyki: jaho vyšynia składaje 120 mietraŭ, u im moža raźmiaścicca da 100 čałaviek. Pa płanach Maska, Starship u budučyni zmoža pieravozić da 150 ton karysnaha hruzu na Mars.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ4
Kamientary