Hramadstva1010

«Kramar, dajadaj svaje čabureki. My pa ciabie pryjdziem»

Staršynia łukašenkaŭskaha Moładzievaha parłamienta Mikita Račyłoŭski praciahvaje svaje napadki na Kakabaja. Ale hetym razam jamu zapiarečyli.

Mikita Račyłoŭski Nikita Račiłovskij Nikita Rachilovsky
Mikita Račyłoŭski padčas efiru ŭ «Minskaj praŭdzie». Skryn videa minsknews_by / Telegram

My paviedamlali raniej, što novaja zorka prapahandy Mikita Račyłoŭski, jaki paabiacaŭ pamierci za Łukašenku, u vieraśni ŭ svaim telehram-kanale napisaŭ publičny danos na papularnaha fud-błohiera Paŭła Kramara, viadomaha jak Kakabaj.

Praz dva miesiacy ŭ efiry «Minsk-novosti» Račyłoŭski paskardziŭsia, što niekatoryja ličać, što jaho napadki na Kakabaj źviazanyja z žadańniem adcisnuć hety biznes.

«Heta dełbi niejkaje, jakoje myślić jak kambała niejkaja: vočy ŭ adnuju kropku dy inšych alternatyŭnych punktaŭ hledžańnia nie ŭsprymaje. Ja chacieŭ by jaho adcisnuć z punkta hledžańnia zakonu. Čałaviek idzie ŭ turmu, zapisvaje pakajalnaje videa na fonie HUBAZiKa, niasie ŭsiu ciažkaść svaju pierad zakonam i potym robić što zachoča», —

vykazaŭsia Račyłoŭski i zaŭvažyŭ, što kantent u Kakabaja biaskryŭdny.

U efiry prahramy staršynia Moładzievaha parłamienta źviarnuŭsia da błohiera: «Ja pra ciabie, Pavieł Kramar, nie zabyŭsia. Tamu dajadaj svaje čabureki, darablaj svaju pracu. My pa ciabie pryjdziem». 

Račyłoŭski zaŭvažyŭ, što jaho słovy — «nijakaja nie pahroza» i jon havoryć «u ramkach zakona»: 

«Ja čałaviek spraviadlivy, hatovy nieści adkaznaść za kožnaje svajo słova. Ale ja nie paciarplu, kab u našaj krainie byli ludzi, jakija zdradzili prezidentu, našamu ściahu, sprabavali na hetym zarabić, a siońnia chodziać, nabivajuć sabie čerava».

Na hučnuju zajavu Račyłoŭskaha źviarnuŭ uvahu telehram-kanał «Hrafač», jaki źviazvajuć z kiraŭnikom ANT Maratam Markavym.

«Ja nie viedaju, chto tam pa kaho pahražaje pryjści, ale vyhladaje heta ŭsio vielmi dziŭna. Navat z hledzišča čystaj łohiki — naŭrad ci siłaviki viedajuć mienš za tavaryša Račyłoŭskaha, jaki praz 3 hady adkryŭ tajamnicu KaKo. A dzie jon byŭ u 2020-2022-m, kab zaraz pa kahości prychodzić? Na moj subjektyŭny pohlad — tyja, kamu treba, užo daŭno razabralisia i zakryli pytańni ź pieraabutymi i nie vielmi», — vykazaŭsia Hrafač.

Račyłoŭskamu Hrafač raić myślić krychu hłabalniej i supakoicca, bo «hetaja bravada doŭžycca ŭžo bolš za miesiac i tak i nie pryviała ni da jakoha vyniku, akramia kłaŭnady. Kampietentnyja ludzi raźbiarucca».

Akramia hetaha, Hrafač pryhadaŭ Račyłoŭskamu jaho krytyku fundamientalnaj navuki: «Darečy, ab kampietencyi. Pierš čym krytykavać fundamientalnuju navuku ŭ krainie, niakiepska było b abaranić kandydackuju dysiertacyju abo napisać chacia b paračku recenzavanych VAKaŭskich artykułaŭ».

Račyłoŭskaha Hrafač adnios da katehoryi «samapryznačanych kamisaraŭ-sensavikoŭ», jakija vystupajuć ź vialikaj kolkaściu «nizkaprobnych skaardynavanych napadak na biełaruskuju movu, kulturu i historyju».

«A mo tak i treba?» — zadaje rytaryčnaje pytańnie Hrafač.

Čytajcie jašče:

«Čamu Kakabaj usio jašče isnuje?» Račyłoŭski napisaŭ publičny danos na papularnaha błohiera Kakabaja

«Pamierci za Łukašenku». Chto taki Mikita Račyłoŭski, novy tvar prapahandy

Łukašysty patrabujuć čystak i represij na histfakach u VNU

Kamientary10

  • Sam sibie bieły huś
    16.11.2023
    U Kvitniejučaj štodnia źjaŭlajecca novaja havaraščaja hałava. Jopciel-mopciel, chto heta taki? Ź jakoj pochvy vylez? Što realna sacyjalna-značymaha akramia čarhovaha bulbasrača prapanoŭvaje? Arie samaje cikavaje inšaje, dla čaho redakcyja kancentruje na hetym jołupnie ŭvahu? Niama realna Public Relations cikavych nadrukavać?
  • daviedka
    16.11.2023
    Račiłovskoho nužno v armiju, a łučšie dažie na zonu, čtoby uznał, čto diełajut v mužskich kollektivach s jabiedami.
  • Siaroža
    16.11.2023
    Kokobaj takoje žie durnopachnuŝieje kak i etot račiłovskij. Jezdit v rašu,nachvalivajet russkije riestorany vo vriemia vojny. Ťfu!

Ciapier čytajuć

Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach5

Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach

Usie naviny →
Usie naviny

«Zvolniłasia paśla jaho prapanovy zrabić płastyku hrudziej». Žančyna raskazała, jak pracavała asabistaj pamočnicaj šejcha4

Milicyjaniery stralali ŭ nahu viaskoŭcu, jaki išoŭ na ich z nažom2

Žančyna prahłynuła asu razam z haziroŭkaj i ledź nie pamierła1

Ziankovič raskazaŭ, jak u SIZA pakłaŭ pad viadro hazietu z partretam Łukašenki i pisaŭ tłumačalnuju2

Ksiandza Hienrycha Akałatoviča viarnuli ŭ kałoniju

Hetaj minčancy 17 hadoŭ, a jana ŭvachodzić u top-10 najlepšych chendleraŭ Jeŭropy3

Kožnyja dva mietry — pierachod. Siurpryz dla viełasipiedystaŭ u Minsku1

Syrski paprasiŭ Trampa dapamahčy Ukrainie pieranieści vajnu na terytoryju Rasii7

Va ŭkrainski pałon trapiŭ 58-hadovy biełarus, što vajavaŭ na baku Rasii8

bolš čytanych navin
bolš łajkanych navin

Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach5

Krutoha ajcišnika, jaki viarnuŭsia z Hruzii, asudzili pa čatyroch palityčnych artykułach

Hałoŭnaje
Usie naviny →

Zaŭvaha:

 

 

 

 

Zakryć Paviedamić