Biełaruś prykmietna padniałasia ŭ rejtynhu vałodańnia anhlijskaj movaj
Mižnarodny adukacyjny centr pa navučańni anhlijskaj movie EF Education First pradstaviŭ svoj štohadovy rejtynh, u jakim aceńvajecca ŭzrovień vałodańnia anhlijskaj movaj siarod darosłaha nasielnictva 113 krain i terytoryj, dla jakoha hetaja mova nie źjaŭlajecca rodnaj.
Rejtynh EF English Proficiency Index 2023 hoda byŭ składzieny na asnovie apytańnia bolš za 2,2 młn čałaviek pa ŭsim śviecie, jakija prajšli standartnaje testavańnie (The EF Standard English Test) na navyki čytańnia i aŭdyravańnia. U daśledavańnie ŭklučalisia tolki harady, rehijony i krainy, dzie ŭ testavańni pryniali ŭdzieł nie mienš za 400 čałaviek, adnak u bolšaści vypadkaŭ kolkaść udzielnikaŭ była značna bolšaj.
Top-3 rejtynhu nie źmianiŭsia ŭ paraŭnańni ź minułym hodam: lidaram znoŭ stali Niderłandy, dalej idzie Sinhapur, a na trecim miescy — Aŭstryja. Taksama siarod krain z najvyšejšym uzroŭniem vałodańnia anhlijskaj movaj apynulisia Danija, Narviehija, Šviecyja, Bielhija, Partuhalija, PAR, Hiermanija, Charvatyja i Hrecyja. Horš za ŭsio z anhlijskaj movaj u afrykanskim Konha.
Biełaruś raźmiaściłasia ŭ rejtynhu na 33-m miescy (539 bałaŭ, siaredni ŭzrovień) — u paraŭnańni ź minułym hodam jana padniałasia ŭ śpisie adrazu na 6 pazicyj. Siarod svaich susiedziaŭ naša kraina abyšła Rasiju (41-je miesca) i Ukrainu (45-je miesca), ale sastupaje Polščy (13-je miesca) i Litvie (21-je miesca). Łatvija ŭ daśledavańni nie ŭdzielničała.
Lepš za ŭsio ŭ Biełarusi anhlijskuju movu nibyta viedajuć žychary Hrodna (551 bał) i Minska (549), horš za ŭsio z abłasnych centraŭ — u Homieli (495).
U cełym uzrovień vałodańnia anhlijskaj movaj vyšej za ŭsio ŭ biełarusaŭ va ŭzrostavaj hrupie ad 21 hoda da 25 hadoŭ, a žančyny majuć pieravahu ŭ paraŭnańni z mužčynami.
«Treba nie pahružacca ŭ kulturu i historyju nośbitaŭ movy». Namieśnik ministra adukacyi raskazaŭ, jak idejna pravilna vyvučać zamiežnyja movy
Baraćba ź inšamoŭnymi nazvami, śviatami i cackami. Što čynoŭniki prapisali ŭ novaj kancepcyi nacyjanalnaj kultury
«Skazać, što my niešta zabaraniali — nie». Čynoŭniki vykazalisia adnosna zabarony ŭ škołach piesień na zamiežnych movach
Ciapier čytajuć
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara4
Kamientary