Беларусь прыкметна паднялася ў рэйтынгу валодання англійскай мовай
Міжнародны адукацыйны цэнтр па навучанні англійскай мове EF Education First прадставіў свой штогадовы рэйтынг, у якім ацэньваецца ўзровень валодання англійскай мовай сярод дарослага насельніцтва 113 краін і тэрыторый, для якога гэтая мова не з'яўляецца роднай.
Рэйтынг EF English Proficiency Index 2023 года быў складзены на аснове апытання больш за 2,2 млн чалавек па ўсім свеце, якія прайшлі стандартнае тэставанне (The EF Standard English Test) на навыкі чытання і аўдыравання. У даследаванне ўключаліся толькі гарады, рэгіёны і краіны, дзе ў тэставанні прынялі ўдзел не менш за 400 чалавек, аднак у большасці выпадкаў колькасць удзельнікаў была значна большай.
Топ-3 рэйтынгу не змяніўся ў параўнанні з мінулым годам: лідарам зноў сталі Нідэрланды, далей ідзе Сінгапур, а на трэцім месцы — Аўстрыя. Таксама сярод краін з найвышэйшым узроўнем валодання англійскай мовай апынуліся Данія, Нарвегія, Швецыя, Бельгія, Партугалія, ПАР, Германія, Харватыя і Грэцыя. Горш за ўсё з англійскай мовай у афрыканскім Конга.
Беларусь размясцілася ў рэйтынгу на 33-м месцы (539 балаў, сярэдні ўзровень) — у параўнанні з мінулым годам яна паднялася ў спісе адразу на 6 пазіцый. Сярод сваіх суседзяў наша краіна абышла Расію (41-е месца) і Украіну (45-е месца), але саступае Польшчы (13-е месца) і Літве (21-е месца). Латвія ў даследаванні не ўдзельнічала.
Лепш за ўсё ў Беларусі англійскую мову нібыта ведаюць жыхары Гродна (551 бал) і Мінска (549), горш за ўсё з абласных цэнтраў — у Гомелі (495).
У цэлым узровень валодання англійскай мовай вышэй за ўсё ў беларусаў ва ўзроставай групе ад 21 года да 25 гадоў, а жанчыны маюць перавагу ў параўнанні з мужчынамі.
«Трэба не пагружацца ў культуру і гісторыю носьбітаў мовы». Намеснік міністра адукацыі расказаў, як ідэйна правільна вывучаць замежныя мовы
Барацьба з іншамоўнымі назвамі, святамі і цацкамі. Што чыноўнікі прапісалі ў новай канцэпцыі нацыянальнай культуры
«Сказаць, што мы нешта забаранялі — не». Чыноўнікі выказаліся адносна забароны ў школах песень на замежных мовах
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла23
Каментары