Muzyka88

U Kirkorava byŭ anšłah na kancercie ŭ Minsku. Aburylisia navat jabaćki

Niadaŭna ŭ Filipa Kirkorava adbyŭsia kancert u Minsku. Napiaredadni šou artyst zapościŭ u storys svaju afišu z podpisam «Sold Out». Ale pryjezd śpievaka, jaki cisnuŭ ruku Łukašenku i naviedvaŭ rasijskich sałdat u špitali, raskrytykavali jabaćki.

Skrynšot videa ŭ tyktoku Kirkorava

U dzień kancerta Kirkoraŭ zapisaŭ videa na fonie aficyjnaha biełaruskaha hierba ŭ Nacyjanalnym aeraporcie «Minsk». Jon źviarnuŭsia da fanataŭ: «Narešcie majo šou ŭ Minsku, u maim lubimym Minsku, na biełaruskaj ziamli».

Ale, na dziva, źjaviłasia šmat aburanych kamientaryjaŭ ad prychilnikaŭ Łukašenki: «Baćka, jak ty moh dapuścić hety cud u piorach u Biełarusi?», «Fila, małajčyna, što pryjechaŭ u Biełaruś, ale nie ŭzdumaj napialić kałhotki i abviešać siabie piorami. A to Baćka vypra, źniasłavišsia».

Jabaćki byli niezadavoleny, bo ličać Kirkorava, jak sami pišuć, «rassadnikam homaseksualizmu». Darečy, u minułym hodzie siarod vorahaŭ artysta była Volha Bondarava — jana sprabavała skasavać jaho kancerty i navat źbirała podpisy za ich admienu. Minharvykankam tady paabiacaŭ joj u aficyjnym adkazie — Kirkoraŭ nie budzie vykonvać pieśniu «Maryja Mahdalena» ŭ Minsku, a ŭpraŭleńnie kultury Minharvykankama praviadzie manitorynh kancerta. Ale šou tady nie pabačyli ni ŭ Minsku, ni ŭ Hrodnie. Pa aficyjnaj viersii — heta adbyłosia «ŭ suviazi ź niepieraadolnymi abstavinami, jakija pieraškadžajuć dastaŭcy techničnaha abstalavańnia i artystaŭ».

Ciapier u kamientaryjach biełarusy nahadali Kirkoravu admienu kancerta ŭ 2020 hodzie z-za karanavirusa. Tady nie ŭsie fanaty viarnuli kvitki, niechta da apošniaha čakaŭ novyja daty šou i ŭ vyniku straciŭ hrošy. Dla kahości heta stała nahodaj ihnaravać novyja kancerty śpievaka.

Biełaruskija hledačy nahadali Kirkoravu i pra toje, što padčas pandemii jon namiakaŭ žurnalistam, što zaraziŭsia kavidam padčas «Słavianskaha bazaru» ŭ Viciebsku. A tady Łukašenka asabista ŭručaŭ artystu ŭznaharodu «Praz mastactva — da miru i ŭzajemarazumieńnia».

@wiksawwww Nievierojatnyj Filipp Kirkorov v Minskie #minsk #filippkirkorov #kirkorov ♬ orihinalnyj zvuk - wiksaww

U tyktoku, dzie źjaviłasia šmat videa ź jubilejnaha šou «Gold. The Greatest Hits», biełarusy taksama abvinavačvali Kirkorava ŭ prapahandzie «nietradycyjnych kaštoŭnaściej».

Zdajecca, prablemy źjavilisia jašče na etapie rekłamy kancerta, bo servis prodažu kvitkoŭ kvitki.by byŭ vymušany adklučyć u svaim akaŭncie mahčymaść kamientavać videa, u jakim Kirkoraŭ anansuje jubilejnaje šou.

Zrešty, poŭnuju zału ŭ Pałacy Respubliki śpiavak sabraŭ. Kvitki kaštavali ad 95 da 350 rubloŭ.

Atrymałasia, što Kirkoraŭ, jaki zaŭsiody padtrymlivaŭ Łukašenku, akazaŭsia ŭ niamiłaści ŭ jabaciek. Cikava i toje, što rasijskija z-patryjoty taksama chejciać artysta, niahledziačy na toje, što jon padtrymaŭ vajnu — śpiavak navat naviedvaŭ u špitali ŭ Krymie paranienych rasijskich sałdat, nazyvaŭ ich hierojami i abiacaŭ im bilety na svajo šou. 

«Mužyki vajujuć, addajuć žyćcio, a ŭ jaho prablema, što b nadzieć, pasaromieŭsia b», — napisali jamu kamientatary, kali Kirkoraŭ zapisaŭ rekłamnaje videa z Rabanne H&M.

Zdajecca, Kirkoraŭ dobry prykład taho, jak składana siadzieć na niekalkich kresłach adnačasova.

Kamientary8

  • Vład
    13.11.2023
    Anšłah na konciertie Kirkorova - vot i vsio čto nado znať o biełorusach .
  • Cim
    13.11.2023
    Kolki ŭ Minsku "ruskamirnych" vyčvarencaŭ! :) Ja ŭ žachu ...
  • Soniejka
    13.11.2023
    Cim, nu na Minsk-arenu ich nie chapiła

Ciapier čytajuć

Natalla Piatkievič stała vice-premjeram, a Karanik uznačaliŭ Akademiju navuk16

Natalla Piatkievič stała vice-premjeram, a Karanik uznačaliŭ Akademiju navuk

Usie naviny →
Usie naviny

17-hadovy startapier Burbicki namiakaje, što Libier prabraŭsia da jaho ŭ kvateru i raskidaŭ rečy18

U Šviecyi anłajn-seks pryraŭniali da prastytucyi: karystalnikam OnlyFans pahražaje turma14

Mianiajucca praviły afarmleńnia bankaŭskich kartak3

U Čavuskim rajonie łasiania zhubiła mamu i vyjšła pa dapamohu da ludziej. U toj ža dzień jano znajšło sabie novaha siabra1

Vice-premjer: Takoha viasnovaha nadvorja nie pamiatajuć navat staražyły1

Stała viadoma, kolki hrošaj atrymlivali ad kramloŭskaha fondu Łušč, Mirsalimava i Hieraščanka18

Kiraŭnik rajona Kurskaj vobłaści paprasiŭ Pucina zachapić ukrainskija Sumy1

Daradca Pucina ličyć, što SSSR «jurydyčna niedzie isnuje». Ale što tady ŭ Kramli robić Pucin?7

Rasiju asabliva razdražniaje Kaja Kałas5

bolš čytanych navin
bolš łajkanych navin

Natalla Piatkievič stała vice-premjeram, a Karanik uznačaliŭ Akademiju navuk16

Natalla Piatkievič stała vice-premjeram, a Karanik uznačaliŭ Akademiju navuk

Hałoŭnaje
Usie naviny →

Zaŭvaha:

 

 

 

 

Zakryć Paviedamić