U ZŠA zhareŭ anhar, dzie zdymali «Sakretnyja materyjały» i «Pierł-Charbar»
Pažar źniščyŭ histaryčny anhar časoŭ Druhoj suśvietnaj vajny ranicaj u aŭtorak na byłoj avijabazie Taścin, jakaja była važnaj častkaj vajennaj historyi akruhi Oryndž (štat Kalifornija).
Siarod nočy połymia šuhała praz dach draŭlanaha anhara. Pažarnyja vyklikali viertalot, kab spravicca z mahutnym ahniom. Viertaloty «Čynuk» vykarystoŭvajucca dla baraćby ź lasnymi pažarami, piša nbclosangeles.com.
«My vyznačyli, što najbolš racyjanalny z punkta hledžańnia ekspłuatacyi mietad — heta dazvolić kanstrukcyi abrynucca, paśla čaho naziemnyja bryhady zmahli b padjechać bližej i aktyŭna pracavać nad tušeńniem pažaru», — napisali ŭ tvitary pažarnyja akruhi Oryndž.
Pažar adbyŭsia ŭ anharach, dzie kaliści raźmiaščalisia dyryžabli, jakija vykarystoŭvalisia padčas Druhoj suśvietnaj vajny. Anhary majuć vyšyniu 17 pavierchaŭ, bolš za 300 mietraŭ u daŭžyniu i 300 mietraŭ u šyryniu.
Abjekt płoščaj amal 1600 akraŭ byŭ zdadzieny ŭ ekspłuatacyju ŭ 1942 hodzie i na praciahu paŭstahodździa hraŭ značnuju rolu ŭ vajenna-marskim fłocie i marskoj avijacyi. U 1999 hodzie avijabaza była zakryta.
Endžy Kardašjan była ŭ ślazach, kali nazirała, jak čorny dym valić z reštkaŭ hihanckaha zbudavańnia. Kardašjan raspaviała, što vałodała restaranam u Taścinie i karmiła marskich piechacincaŭ i ich siemji biaspłatnymi abiedami na Dzień padziaki.
Anhary byli skarystanyja na telebačańni i ŭ filmach, uklučajučy «Jahuar», «Sakretnyja materyjały», «Ościn Paŭers», «Pierł-Charbar» i «Zorny šlach».
Razam z tym paŭdniovy anhar nie paciarpieŭ u vyniku pažaru i budzie prydatny dla budučaha vykarystańnia.
-
Naŭsieda: Ja budu siarod tych, chto najbolš žorstka patrabuje padaŭžeńnia sankcyj ES suprać Biełarusi
-
Bił i Chiłary Klintan pahadzilisia dać pakazańni Kanhresu ab suviaziach z Epštejnam. Admova pahražała im kryminalnaj spravaj
-
U Jeŭropie raście razryŭ u praciahłaści žyćcia pamiž rehijonami. U čym pryčyny?
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?3
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary