«Pačali praces zakupki materyjałaŭ dla druku». Cichanoŭskaja raskazała, jak idzie praca nad novym biełaruskim pašpartam
Śviatłana Cichanoŭskaja ŭ svaim telehram-kanale raskazała, jak ciapier idzie praca nad stvareńniem «pašparta novaj Biełarusi». Pavodle jaje, pa hetaj prablemie ŭ jaje Ofis biełarusy pišuć amal štodnia, što śviedčyć pra jaje aktualnaść.
«Ciapier my na etapie vytvorčaści pieršych uzoraŭ pašparta. My pačali praces zakupki materyjałaŭ dla ich druku. Paśla taho, jak buduć hatovyja pieršyja ŭzory, my adpravim ich uradam krain-partnioraŭ z prapanovaj pryznać novy dakumient. My ŭžo viadziem kansultacyi z zamiežnymi palitykami, infarmujem ich ab našych dziejańniach i płanach», — adznačyła Cichanoŭskaja.
Taksama, pavodle jaje, ciapier viadziecca praca nad stvareńniem orhana vydačy. Heta struktura, jakaja budzie zajmacca ŭsimi etapami vypusku pašpartoŭ — ad pryjomu zajavak i ich pravierki da druku pašpartoŭ i zachoŭvańnia danych.
Ale, padkreślivaje demakratyčnaja lidarka, hety pašpart u kožnym vypadku nie budzie zamianiać nieabchodnaści lehalizavacca ŭ kožnaj krainie, i vizy dy dazvoły na žycharstva biełarusam usio adno treba budzie atrymlivać.
Pry hetym Cichanoŭskaja pryznaje, što zapusk vytvorčaści i praces pryznańnia novaha biełaruskaha pašparta vielmi składanyja, tym bolš što jaje kamanda idzie pieršaj hetym šlacham nie tolki ŭ svajoj krainie, ale i ŭ śviecie, a šmatlikija techničnyja i jurydyčnyja miechanizmy raspracoŭvajucca praktyčna z nula.
Kamitet siejma Litvy pa biaśpiecy vykazaŭsia suprać pavieličeńnia dla biełarusaŭ terminu dziejańnia humanitarnych DNŽ
Biełarusku z polskim prajaznym dakumientam zamiežnika nie puścili ŭ Hruziju
Cichanoŭskaja: Pytańnie padaŭžeńnia terminu dziejańnia DNŽ dla biełarusaŭ u Litvie da troch hadoŭ amal vyrašanaje
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam22
Kamientary