«Heta najhoršy momant u maim žyćci». Niejmar vybyŭ bolš čym na paŭhoda
Forvardu zbornaj Brazilii i saudaŭskaha kłuba «Al-Chilal» Niejmaru spatrebicca apieracyja paśla traŭmy, atrymanaj učora ŭ matčy kvalifikacyi da čempijanatu śvietu 2026 hoda suprać Uruhvaja (0:2).
«Miedycynskija testy, jakija prajšoŭ Niejmar, paćvierdzili paškodžańnie piaredniaj kryžapadobnaj źviazki i razryŭ mieniska ŭ kalenie, jamu treba budzie apieracyja, a zatym prahrama lačeńnia, jakaja budzie vyznačanaja paźniej», — havorycca ŭ paviedamleńni pres-słužby kłuba ŭ sacsietcy Ch (raniej Twitter).
Forvard brazilskaj zbornaj Niejmar pakinuŭ pole sa ślazami na vačach u kancy pieršaha tajma. Jaho advieźli z pola na śpiecyjalnaj mašynie, piša Championat.com.
Adnaŭleńnie futbalista moža skłaści bolš čym šeść miesiacaŭ.
«Heta vielmi sumny momant, najhoršy ŭ maim žyćci. Ja viedaju, što ja mocny, ale hetym razam mnie vielmi spatrebicca padtrymka majoj siamji i siabroŭ.
Nialohka pieražyvać traŭmy i apieracyi, ujavicie, što vy adnaŭlalisia doŭhi čas, a potym praz čatyry miesiacy prachodzicie heta ŭsio znoŭ. U mianie vielmi šmat viery… Ja addaju siły Bohu, kab jon zmoh abnavić maje. Dziakuj za vašu padtrymku i ciopłyja słovy», — napisaŭ Niejmar u sacsietcy X.
Niejmar pierajšoŭ u «Al-Chilal» u letniaje tranśfiernaje akno. Kantraktnaje pahadnieńnie hulca z kłubam raźličana da 2025 hoda. U hetym siezonie Niejmar pravioŭ try matčy ŭ čempijanacie Saudaŭskaj Aravii, u jakich adznačyŭsia dźviuma vynikovymi pieradačami.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary