Biełarusam z «čornaha śpisa» nie dazvolili zhulać za rasijski «Urał» u Barysavie — Trybuna
Biełarusy Jahor Filipienka i Dzianis Ščarbicki, jakija hulajuć za «Urał» (Jekaciarynburh), nie zmahli vyjści na pole suprać zbornaj kłubaŭ čempijanatu Biełarusi ŭ tavaryskim matčy, jaki prajšoŭ na «Barysaŭ-Arenie» ŭ niadzielu.
Pavodle infarmacyi «Trybuny», paśla prybyćcia ŭ Biełaruś «Urału» pieradali, što hulcy nie pavinny ŭdzielničać u matčy z-za rasparadžeńnia ministra sportu Siarhieja Kavalčuka.
Kłubu nahadali, što Dzianis i Jahor — niepažadanyja piersony dla režymu. Abodva hulcy znachodziacca ŭ «čornym śpisie» Minsportu, z-za čaho Ščarbicki z sakavika pa lipień 2023-ha ŭvohule treniravaŭsia z BATE biez kantraktu.
Adnak pra pieradadzienuju «Urału» infarmacyju daviedaŭsia staršynia ABFF Mikałaj Šarśnioŭ — inicyjatar prylotu «Urała» i praciŭnik «čornaha śpisa». Pa źviestkach «Trybuny», funkcyjanier sam źviazaŭsia z «Urałam» — i skazaŭ, što kamanda moža vystaŭlać na hulniu ŭ Barysavie taki skład, jaki paličyć patrebnym, u tym liku i ŭklučać u jaho Filipienku i Ščarbickaha.
Ale i na hetym historyja nie skončyłasia. Užo ŭ dzień matča va «Urał» patelefanavaŭ chtości ź viarchuški Minsportu — i «nastojliva rekamiendavaŭ» vykanać ukazańnie Kavalčuka. Što budzie ŭ advarotnym vypadku, nie ŭdakładniałasia. Ale paśla razmovy ŭ rasijskim kłubie pryniali rašeńnie vykanać patrabavańni ministra.
Matč zbornaj kłubaŭ čempijanatu Biełarusi i «Urała» skončyŭsia pieramohaj rasijskaha kłuba 2:1.
«Urał» treniruje Viktar Hančarenka, jaki ŭznačalvaŭ BATE ź listapada 2007-ha pa 2013 hod i ź jakim šeść razoŭ zavajoŭvaŭ załatyja miedali čempijanatu krainy i niekalki razoŭ vyvodziŭ kłub u hrupavy raŭnd Lihi čempijonaŭ i Lihi Jeŭropy.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary