Novaje praklaćcie NCHŁ: nabraŭ 100 bałaŭ — zastaŭsia biez Kubku Stenli

Ale ŭ finale Kubka Stenli hulajuć inšyja kamandy: «Karalina» i «Viehas», i ŭ hetych kamandach niama nivodnaha, chto nabraŭ by ŭ rehularcy-2025/26 100 i bolš bałaŭ (uličvajecca hoł+pas), piša Sports.ru.

U NCHŁ stolki zababonaŭ, drennych prykmiet i prosta cikavych zakanamiernaściaŭ, jakija mohuć pieraškodzić kamandzie vyjhrać Kubak Stenli, što hałava idzie kruham. Voś tolki niekatoryja ź ich:

— nielha pieramahać u rehularnym čempijanacie;

— nielha dakranacca da trafiejaŭ za pieramohu ŭ finale kanfierencyi (to-bok u ahulnym paŭfinale);

— nielha być najlepšym bramnikam rehularki dy inš.

Uładalniki «Charta», jaki ŭručajecca najlepšamu bambardziru rehularnaha čempijanatu nie pieramahali ŭ Kubku Stenli z 2004 hoda, i tady «Tampa-Bej» Marcina Sien-Łui vielmi paščaściła ŭ šostaj hulni finału z «Kałhary».

Uziać «Viezina trafiej» (uručajecca najlepšamu hałkipieru) i čempijonski piarścionak u adzin siezon paśla Cima Tomasa nie ŭdavałasia nikomu, i z taho času prajšło ŭžo 16 hadoŭ.

A «Marys Ryšar Trafiej» [uručajecca hulcu, što zakinuŭ najbolšuju kolkaść šajb u rehularcy, biez uliku halavych pasoŭ — NN]— heta naohuł čornaja mietka.

U Alaksandra Aviečkina ich 9, a pieramoha ŭ płej-of usiaho adna. Ź inšych snajpieraŭ Kubak Stenli zavajoŭvaŭ tolki Sidni Krośbi, a ž trafiej uručajuć z 1999 hoda.

Jość śpis najlepšych bambardziraŭ kamand, jakija vyjhrali Kubak paśla «Pitsburha» Małkina i Krośbi ŭ 2009 hodzie. Tolki ŭ dvuch čempijonaŭ byli chakieisty z 90 i bolš bałami, a ŭ čatyroch nie nabirali bolš za 70.

Najlepšym bambardziram «Viehasa» ŭ rehularcy-2022/23 staŭ Džek Ajkieł (66 bałaŭ), i kłub vyjhraŭ Kubak Stenli.

Hetaja tendencyja, pracavała i ŭ 90-ch, i da vialikaha łakaŭtu 2004 hoda. Naprykład, u 1993 hodzie 21 čałaviek z 14 kamand nabraŭ 100+ bałaŭ, a pieramohu ŭ płej-of atrymaŭ «Manreal», u jakoha samym vynikovym byŭ Vinsent Damfus z 97 bałami. 

Praz hod Kubak Stenli vyjhraŭ «Rejndžers» z najlepšym bambardziram Siarhiejem Zubavym. Maryjo Lemjo i Jaramir Jahr u epochu tak zvanaj «miortvaj šajby» lohka nabirali pa 110—120 bałaŭ, a ŭ płej-of ruliŭ «Detrojt», u jakoha pry Skoci Boŭmenie kožnaje źviano było pieršym, a samy talenavity forvard uvohule hulaŭ u abaronie.

Zaraz u finale Kubka Stenli hulajuć «Viehas» i «Karalina».

«Karalina» siońnia vyjhrała 4:2 i paviała ŭ sieryi 3:2 (u finalnaj sieryi hetaha hoda, kab pieramahčy ŭ matčy, treba, darečy, zakinuć minimum čatyry šajby).

Nastupny matč u noč na paniadziełak u Łas-Viehasie. Sieryja idzie da čatyroch pieramoh.

I «Karalina», i «Viehas» tolki raz brali Kubak Stenli.

• 0
• 0
• 0
• 0
• 1
• 0
• 0
• 0