Eks-viadučaja pieradačy pra futboł na BT Kryścina Kozieł vučycca na numarołaha
Kryścina Kozieł — byłaja viadučaja pieradačy pra futboł na BT, žonka paŭabaroncy zbornaj Biełarusi pa futbole Jaŭhiena Jabłonskaha. Spartovy prajekt jana zapuskała i na jutubie, ale paśla zachapiłasia inšym, raskazvaje «Trybuna».
Kozieł vyrašyła asvoić numarałohiju — interpretacyju čysłaŭ, jakija znachodziać u dacie naradžeńnia i nie tolki, dla taho kab vyznačyć charaktar čałavieka i pradkazać budučyniu.
Žonka futbalista źjaviłasia ŭ žyvym efiry ŭ instahramie Natalli Skubkovaj, jakaja pazicyjanuje siabie jak śpiecyjalista pa numarałohii.
Jak akazałasia, spačatku Kozieł źviarnułasia pa kansultacyju, na jakoj numarołah pa datach raskazała toje, čaho, pa słovach Kryściny, nijak nie mahła viedać pra jaje. Uražanaja eks-viadučaja zamoviła jašče dźvie kansultacyi, u tym liku indyvidualnuju dla Jabłonskaha. Kožnuju treba było čakać (Skubkova zajaŭlaje pra mocnuju zahružanaść), a taksama vydatkoŭvać 160 dalaraŭ — za hetyja hrošy prymianiajucca «instrumienty koŭčynhu i mietafaryčnyja karty».
Paśla hetaha Kozieł vyrašyła, što praściej nie tracić hrošy na kansultacyi, a samoj stać numarołaham. Dla hetaha byłaja televiadučaja zapisałasia na navučańnie ŭ Skubkovaj, zamoviŭšy «premium» — za asabistaje kuratarstva žančyny treba było vykłaści amal tysiaču dalaraŭ.
Skubkova padčas efiru chvaliła Kozieł jak vučanicu i raskazvała, što ź nieciarpieńniem čakała chatnija zadańni ad jaje. Kryścina ž raskazała, što dumała ab prymianieńni novych «źviestak» u futbole.
— Cikava hladzieć na futbalistaŭ. Maładaja zoračka niejkaja ŭzychodzić, ja pahladzieła datu [naradžeńnia] — i ŭžo razumieju, pry jakich abstavinach, pry jakich kryteryjach jana budzie raźvivacca lepš, što joj moža dapamahčy, — zajaviła Kozieł.
Taksama Kozieł zajaviła, što bolš nie zadajecca pytańniami pra pavodziny koŭčaŭ — joj taksama ŭsio tłumačać niejkija čysły (mahčyma, tak zručna raśpisać i rasstavańnie kłuba «Arys» ź Jabłonskim).
— Voś ja hladžu na jakoha-niebudź treniera i dumaju: «Boža, čamu jon taki havarki? Čamu jon prymaje takija durnyja, na moj pohlad, rašeńni?» Ciapier ja heta dla siabie ŭžo razumieju. Ja heta jašče nie niasu ŭ masy, ale vielmi mnohija rečy stanoviacca zrazumiełymi, — skazała eks-viadučaja.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary