U ZŠA stvaryli štučny intelekt, jaki dapamoža spraścić vydaleńnie puchliny małočnaj załozy
Novy ŠI dazvolić skaracić čas na praviadzieńnie mamahrafii i paźbiehnuć dadatkovych apieracyj.
Daśledčyki z ZŠA stvaryli novuju madel štučnaha intelektu, jakaja moža praviarać, ci prybrali chirurhi ŭsiu rakavuju tkanku padčas apieracyj pa vydaleńni puchliny małočnaj załozy. Pra heta niadaŭna paviedamiła vydańnie Euronews.
Novy štučny intelekt pracuje na vialikaj bazie danych, u jakoj sotni mamahrafičnych zdymkaŭ i dyjahnazaŭ daktaroŭ. Madel moža adroźnivać zdymki stanoŭčych dyjahnazaŭ raku ad zdymkaŭ admoŭnych, a ŭ testach jana moža pracavać navat lepš, čym ludzi.
Navukoŭcy miarkujuć, što heta prahrama stanie dobrym pamočnikam u balnicach, dzie nie chapaje ekśpiertnaha piersanału. Z dapamohaj novaha štučnaha intelektu chirurhi buduć mieć mahčymaść atrymlivać chutkuju zvarotnuju suviaź adrazu ž paśla apieracyi i prymać chutkaje rašeńnie nakont nastupnaha sposabu lačeńnia pacyjenta.
«Naš instrumient ŠI dazvolić bolš dakładna analizavać puchliny, jakija vydalajucca chirurhičnym šlacham u režymie realnaha času, i pavysić vierahodnaść taho, što ŭsie rakavyja kletki buduć vydalenyja mienavita padčas apieracyi», — piša Euronews sa spasyłkaj na staršaha aŭtara daśledavańnia i dacenta Univiersiteta Paŭnočnaj Karaliny Krystalin Hałachier.
Padčas chirurhičnych apieracyj biez ŠI rakavyja kletki zvyčajna vydalajucca razam ź nievialikaj kolkaściu zdarovaj tkaniny vakoł ich. Zdarovyja kletki potym daśledujucca mamołahami i histołahami, kab vyśvietlić, ci jość rak na krajach vydalenaj zdarovaj tkanki. Hetaja pracedura moža zajmać tydzień, što časam pryvodzić da niehatyŭnych nastupstvaŭ u pacyjentaŭ, kali puchlina całkam nie źnikła.
Padrabiaźniej pra rak małočnaj załozy i jaho nastupstvy my pisali tut.
Čytajcie jašče:
Ustojlivyja da raku žyvioły — nadzieja dla čałavieka
Novy srodak ad prablem z erekcyjaj — jad pavuka
Karotkačasovaje i doŭhačasovaje adnaŭleńnie cnatlivaści. Ceny ŭ Minsku i mierkavańnie psichołaha
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?22
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2424
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama24
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary