Unačy 5 kastryčnika na volu vyjšaŭ palitviazień Arsienij Čyžyk, paviedamiŭ «Biełsat». Jaho, jak i dziasiatki inšych hramadzianaŭ Biełarusi, pakarali źniavoleńniem u «spravie Zielcera».
Arsienija Čyžyka, siabra Maładoha frontu, zatrymali 30 vieraśnia 2021 hoda ŭ Homieli za kamientary ŭ internecie paśla hibieli ŭ minskaj kvatery supracoŭnika KDB Dźmitryja Fiedasiuka i IT-śpiecyjalista Andreja Zielcera. Na kvatery chłopca spačatku adbyŭsia pieratrus, a potym jaho advieźli da suda ŭ śledčy izalatar.
Śledčyja spačatku abvinavačvali jaho pavodle dvuch kryminalnych artykułaŭ — 369 («abraza pradstaŭnika ŭłady»), a taksama 130 («raspalvańnie sacyjalnaj varožaści»). Ale potym pakinuli ŭ spravie tolki artykuł 130 KK.
Sudździa Rusłan Caruk pakaraŭ Čyžyka źniavoleńniem terminam na dva z pałovaj hady.
Ciapier Čyžyk musić stać na ŭlik u Žytkavickim rajonnym adździele milicyi, što na Homielščynie.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ2
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary