Špakoŭski zamianiŭ Paŭła Lohkaha. Tamu dastałasia pasada druhoha płana
Były šef pres-słužby Łukašenki, a paśla namieśnik ministra infarmacyi i dypłamat Pavieł Lohki viarnuŭsia z dypłamatyčnaj placoŭki ŭ Minsk.
Pavieł Lohki ŭ minułym 10 hod uznačalvaŭ łukašenkaŭskuju pres-słužbu, potym pracavaŭ daradcam-pasłańnikam u pasolstvie Biełarusi ŭ Rasii i namieśnikam ministra infarmacyi. U kancy 2020-ha jaho znoŭ adpravili ŭ Rasiju na raniejšuju pasadu daradcy-pasłańnika. Na jaho kadencyju prypaŭ napad Rasii na Ukrainu i ŭzmacnieńnie kantrolu Maskvy nad Minskam.
Niadaŭna na jahonuju pazicyju ŭ Maskvie Łukašenka pryznačyŭ prapahandysta Alaksandra Špakoŭskaha.
A što sam Lohki?
51-hadovamu dypłamatu dali pasadu namieśnika dyrektara Biełaruskaha instytuta stratehičnych daśledavańniaŭ — analityčnaj struktury, jakaja finansujecca ź biudžetu.
Raboty dziaržaŭnych analitykaŭ možna pačytać na sajcie BISD.
Uznačalvaje BISD pałkoŭnik Aleh Makaraŭ.
Sam Lohki — kadravy vajskoviec, pačynaŭ karjeru sa słužby ŭ armii.
Na sajcie BISD infarmacyja ab pryznačeńni Lohkaha pakul adsutničaje, ale jon užo fihuruje na mierapryjemstvach BISD.
Mahčyma, Lohki budzie kuryravać infarmacyjnaje ŭpraŭleńnie, jakoje zajmajecca daśledavańniem infarmacyjnaj prastory, trendami i mietrykami.
Farmalna dla Lohkaha ŭ paraŭnańni ź jaho raniejšymi pasadami heta panižeńnie, ale pa sutnaści — niapylnaja praca, na jakoj možna rassłabicca.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary