U Biełarusi buduć vypuskać kitajskija aŭtamabili jašče adnaho brenda
Da kanca hetaha hoda ŭ Biełarusi płanujuć vypuścić kala 1 tys. lehkavych aŭtamabilaŭ pad brendam Hongqi. Ich buduć źbirać na mahutnaściach pradpryjemstva «Junison». Zapusk arhanizavali sumiesna z kitajskimi partniorami, piša BiełTA.
Pa słovach pieršaha namieśnika ministra pramysłovaści Alaksandra Aharodnikava, 36 mašynakamplektaŭ užo na zavodzie.
«U najbližejšy čas pradpryjemstva «Junison» sumiesna z kitajskimi partniorami pačnie vytvorčaść lehkavych aŭtamabilaŭ pad brendam Hongqi. Pieršyja 36 mašynakamplektaŭ užo znachodziacca na zavodzie. Metavaja zadača na hety hod — nablizicca da 1 tys. adzinak za tyja try miesiacy, što zastalisia. Nastupny hod bačycca vielmi pierśpiektyŭnym», — adznačyŭ Alaksandr Aharodnikaŭ.
Raniej aŭtamabili brenda prajšli siertyfikacyju ŭ Biełarusi.
Hongqi — heta premijalny subbrend FAW. U krasaviku hetaha hoda aŭtamabili Hongqi pačali pradavać u Rasii.
Ciapier čytajuć
Babaryka: Kali b my pieramahli — vajny va Ukrainie nie było b32
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»88
Kamientary