Biznesmien Iłan Mask i śpiavačka Hrajms znoŭ stali baćkami. Pra naradžeńnie ŭ pary treciaha sumiesnaha dziciaci stała viadoma 10 vieraśnia. U akaŭncie Pop Base u sacsietcy X paviedamili, što dzicia atrymała imia Techna Miechanikus.
Mask hetuju infarmacyju paćvierdziŭ, adkazaŭšy postam takoha źmiestu:
«Tau Techna Miechanikus. Akružnaść / dyjamietr».
Ani Hrajms, ani Mask nie abjaŭlali, što čakajuć dzicia. U pary jość jašče dvoje sumiesnych dziaciej — chłopčyk (naradziŭsia ŭ traŭni 2020 hoda) i dziaŭčynka (naradziłasia ŭ śniežni 2021-ha). Ich zavuć X Æ A-Xii (čytajecca «Eks Eš Ej-Tvełf») i Eksa Dark Siderel. Prynamsi, mienavita tak ich nazvali paśla naradžeńnia.
Hrajms kazała ŭ adnym ź intervju, što dačku jany zavuć prosta Y (čytajecca jak «Vaj», suhučna anhlijskamu Why? — «Čamu?»).
Akramia taho, u Maska jość jašče piaciora dziaciej ad pieršaha šlubu z Džaścin Uiłsan — heta dvajniatki Hryfin i Ksavje (naradzilisia ŭ 2004 hodzie) i trajniatki Demian, Seksan i Kaj (naradzilisia ŭ 2006 hodzie). Pieršyniec Maska i Uiłsan — syn Nievada, jaki naradziŭsia ŭ 2002 hodzie, pamior va ŭzroście 10 tydniaŭ ad sindromu raptoŭnaj dziciačaj śmierci.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary