Brytanskaja palicyja imčałasia na miesca masavaha zabojstva. Akazałasia, heta zaniatki johaj
Brytanskaja palicyja niadaŭna atrymała sihnał, što ŭ adnoj miascovaści adbyłosia masavaje zabojstva. Ale ŭ vyniku vyjaviłasia, što heta byli zvyčajnyja zaniatki johaj. Ab hetym 8 vieraśnia paviedamiła ahienctva Euronews.
Uviečary 6 vieraśnia niekalki čałaviek pravodzili sieans johi ŭ prymorskim kurortnym pasiołku Čapieł-Sent-Leanards, jaki znachodzicca ŭ hrafstvie Linkalnšyr na poŭnačy Vialikabrytanii. Adnak hetyja zaniatki niečakana spyniŭ vialiki narad palicejskich.
Vyjaviłasia, što niejki minak patelefanavaŭ u miascovuju palicyju i paviedamiŭ, što ŭbačyŭ «lažačyja na ziamli trupy». Palicejskija zreahavali imhnienna i vyjechali na «miesca złačynstva», ale, na ščaście, znajšli tam tolki hrupu šakavanych johaŭ.
«Pavažanyja naviedvalniki, kali łaska, majcie na ŭvazie, što viečaram u absiervatoryi prachodziać zaniatki johaj. My nie źjaŭlajemsia siabrami varjackich siektaŭ i nie ŭdzielničajem u šalonych kultach», — prakamientavała ŭčynak miascovaja kaviarnia, dzie prachodzili zaniatki johaj, pieradaje Euronews.
U kaviarni taksama padziakavali palicyi, jakaja chutka adreahavała na vyklik, i paviedamili, što ŭsie ŭdzielniki kurjoznaj situacyi žyvyja i zdarovyja.
Čytajcie taksama:
Fizičnyja praktykavańni ŭ maładości mohuć źnizić ryzyku raku na 40% — navukoŭcy
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny4
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii22
Kamientary