Vajna66

Śpiecapieracyja «Sinica»: Rasijski piłot raspavioŭ, jak pierahaniaŭ Mi-8 z Rasii va Ukrainu

Zdabyčaj ukrainskich raźviedčykaŭ stała kaštoŭnaja dakumientacyja i sakretnaje techničnaje abstalavańnie. 

Maksim Kuźminoŭ. Skrynšot videa

Śpiecapieracyja vykradańnia i zachopu novaha rasijskaha viertalota Mi-8AMTŠ z braniavanaj kabinaj atrymała kodavuju nazvu «Sinica». Jaje rychtavali niekalki miesiacaŭ i praviali 9 žniŭnia 2023 hoda na terytoryi Charkaŭskaj vobłaści, piša «Suśpilnie».

Zdabyčaj ukrainskich raźviedčykaŭ viertalota z bartavym numaram 62 stała kaštoŭnaja dakumientacyja i sakretnaje techničnaje abstalavańnie. Heta ŭžo naniesła značny ŭron vajskovaj avijacyi Rasii.

Jak adznačyli ŭ HUR, u dakumientalnym filmie raskryvajecca asoba rasijskaha piłota, jaki pierahnaŭ va Ukrainu viertalot. Heta kapitan Maksim Kuźminoŭ, kamandzir viertalota Mi-8.

28-hadovy rasijski piłot słužyŭ u 319-m asobnym viertalotnym pałku armiejskaj avijacyi v/č 13984 z punktam pastajannaj dysłakacyi ŭ Prymorskim krai RF. Maksim Kuźminoŭ sam źviazaŭsia z pradstaŭnikom ukrainskaj raźviedki.

«Ja źviazaŭsia z pradstaŭnikami raźviedki Ukrainy, patłumačyŭ svaju situacyju. Mnie prapanavali harantyi biaśpieki, novyja dakumienty, hrašovuju kampiensacyju, uznaharodžańnie. Abmierkavali detali i pačali płanavać niepasredna moj pieralot», ― raspavioŭ Maksim Kuźminoŭ.

Pa słovach lotčyka, ryzykoŭnuju apieracyju ŭdałosia zachavać u tajamnicy i paśpiachova zaviaršyć, bo vajskovaja raźviedka Ukrainy zmahła arhanizavać biaśpiečny kalidor.

«Ja zrazumieŭ, što znachodžusia pobač ź miažoj, heta značyć ja pieradaŭ svajo miescaznachodžańnie. […] Pieralacieŭ na hranična małoj vyšyni ŭ režymie radyjomaŭčańnia. Nichto nie viedaŭ, što sa mnoj. Mabyć, dzion 3-4 nichto nie razumieŭ, što adbyłosia. Pieralacieŭ paśpiachova, pryziamliŭsia», — skazaŭ rasijski piłot.

Padčas śpiecapieracyi Kuźminoŭ atrymaŭ ranieńnie, ale jamu svoječasova akazali miedycynskuju dapamohu. Hałoŭnym matyvam svajho ŭčynku Maksim Kuźminoŭ nazyvaje kateharyčnaje nieprymańnie ahresiŭnaj vajny, jakuju raźviazała Rasija suprać Ukrainy, a taksama niežadańnie być datyčnym da vajennych złačynstvaŭ

«Toje, što ciapier adbyvajecca, — heta prosta hienacyd ukrainskaha naroda, jak ukrainskaha, tak i rasijskaha. Heta pryčyna majho ŭčynku, kab nie spryjać hetym złačynstvam. Ja vydatna viedaju, čym heta skončycca: Ukraina adnaznačna pieramoža ŭ hetaj vajnie prosta tamu, što narod vielmi zhurtavaŭsia. Uvieś śviet dapamahaje, bo razumieje, što pierš za ŭsio treba šanavać čałaviečaje žyćcio… nichto nie choča hetaj vajny», — rastłumačyŭ 28-hadovy rasijski aficer.

Maksim Kuźminoŭ zaklikaŭ inšych rasijskich piłotaŭ zrabić tak, jak jon.

«Vy nikolki nie paškadujecie. Vy prosta adkryjecie dla siabie śviet farbaŭ. I zapomnicie: vy prosta šmat čaho nie viedajecie, vy nie bačyli, jak žyvuć inšyja ludzi. Kali vy sapraŭdy niešta adkryjecie, to svajo mierkavańnie źmienicie ŭ korani», — padkreśliŭ rasijski piłot.

Kamientary6

  • Skoriejšieho razvała rf
    04.09.2023
    Mołodcy, tak Rośsiju jeŝie nikto nie opuskał.
  • Muščyna 30 let
    04.09.2023
    Ja užie čuvstvuju, kak połychniet v z-kanałach. Zarievo budiet pojarčie, čiem v Pskovie.
  • Anatol
    04.09.2023
    Obyčnyj priedatiel!

Ciapier čytajuć

Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie15

Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie

Usie naviny →
Usie naviny

Makron zaklikaŭ stvaryć «kaalicyju niezaležnych» i nie hladzieć na Vašynhton i Piekin4

Čarešni na Kamaroŭcy patańnieli ŭtraja. Čym jašče vyhadna zakupicca?2

Paŭlučenka: Volha Siamaška chacieła atrymać dla aŭdytu mienavita fond «Razam»21

Papularnaja aktrysa vypuściła myła z vadoj z ułasnaj vanny1

Kot zdolny adroźnivać svajho haspadara ad nieznajomca pa pachu3

U adnoj ź viežaŭ «Bramy Minska» zdajecca dvuchuzroŭnievaja kvatera z šykoŭnaj terasaj3

U Łuninieckim rajonie pastaviać pomnik kłubnicam: jość dva varyjanty12

Piać hadoŭ tamu aryštavali Mikołu Statkieviča6

U Maładziečnie zrabili piešachodnuju asfaltavanuju darožku, ale nie daciahnuli niekalki mietraŭ da prypynku3

bolš čytanych navin
bolš łajkanych navin

Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie15

Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie

Hałoŭnaje
Usie naviny →

Zaŭvaha:

 

 

 

 

Zakryć Paviedamić