U siecivie źjavilisia fatahrafii rasijskaha viertalota, jaki pryziamliŭsia na ŭkrainskaj avijabazie
Viertalot Mi-8 uvachodziŭ u skład pałka ŭ Prymorskim krai. Jon prylacieŭ na ŭkrainskuju terytoryju 9 žniŭnia.
Ukrainski žurnalist i vajskoviec USU Arciom Šaŭčenka vykłaŭ zdymki rasijskaha viertalota, jaki pryziamliŭsia na ŭkrainskaj avijabazie. Sa słoŭ Šaŭčenki, piłot «pavieryŭ našym vajskovym raźviedčykam», piša «Mieduza».
Viertalot Mi-8 uvachodziŭ u skład pałka ŭ Prymorskim krai. Jon prylacieŭ na ŭkrainskuju terytoryju 9 žniŭnia, napisaŭ Šaŭčenka.
«Kamandzir ekipaža, małady aficer, razumieŭ z samaha pačatku złačynnaść i niapravilnaść vajny, raźviazanaj jaho ahresiŭnaj dziaržavaj, pavieryŭ našym vajennym raźviedčykam i paśpiachova pieralacieŭ na bok dabra», — dadaŭ Šaŭčenka.
Pra toje, što na ŭkrainskaj avijabazie pryziamliŭsia rasijski viertalot Mi-8, stała viadoma 23 žniŭnia. «Ukrainskaja praŭda» sa spasyłkaj na krynicy pisała, što ŭkrainskaja vajskovaja raźviedka vymaniła piłota Mi-8 va Ukrainu, tudy ž nibyta vyvieźli jahonuju siamju.
U svaju čarhu blizki da Minabarony RF telehram-kanał Fighterbomber pisaŭ, što ekipaž «ź niejkich pryčyn straciŭ aryjenciroŭku i pierasiek liniju». Paśla pryziamleńnia, pa viersii Fighterbomber, dvoje členaŭ ekipaža zahinuli, kamandzir byŭ paranieny.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary