«Hučyć jak epičnaje tryźnieńnie». U navučalnych ustanovach Bresta zabaraniajuć pieśni na zamiežnych movach — BG.Media
U Maskoŭskim rajonie Bresta zabaranili na ŭsich školnych mierapryjemstvach vykonvać i ŭklučać pieśni na zamiežnych movach, paviedamiŭ vydańniu BG.Media rabotnik adnoj z ustanoŭ adukacyi horada na ŭmovach ananimnaści. Aficyjnaha paćviardžeńnia takoha rašeńnia pakul niama, ale i padstaŭ nie vieryć svajoj krynicy, jak adznačaje vydańnie, u jaho niama taksama.
«Hučyć jak epičnaje tryźnieńnie, ale dyrektary škoł na poŭnym surjozie zajavili pra heta. Samy «sok» u škołach, jakija śpiecyjalizujucca na vyvučeńni zamiežnych moŭ. U ich taksama nielha śpiavać pieśni na zamiežnych movach», — raskazaŭ surazmoŭca vydańnia.
Jon ličyć, što kiraŭnictva škoł i himnazij Leninskaha rajona Bresta budzie prytrymlivacca takoj ža palityki. U Maskoŭskim «nie stali parycca» i adrazu dasłali papieru, a ŭ Leninskim — heta inicyjatyva kiraŭnictva.
«U nas toje samaje, tolki niehałosna. Naša dyrektarka jašče ŭ kancy minułaha hoda jak varjatka biehała i zabaraniała zamiežnyja pieśni, — adznačyŭ rabotnik adukacyi. — Usia šumicha praz «žudasny ŭpłyŭ Zachadu».
Pa jaho słovach, zabarona raspaŭsiudžvajecca na vykanańnie i ratacyju piesień na zamiežnych movach na školnych śviatach, konkursach, hulniach, spabornictvach i inšych mierapryjemstvach.
Padobnyja zachady dobra ŭpisvajucca ŭ ahulnuju palityku, jakoj apošnim časam trymajecca Ministerstva adukacyi ŭ dačynieńni da «zachodnich upłyvaŭ». Tak, letam śpiecyjalnaja hrupa Minadukacyi staranna praviarała kabiniety historyi, hieahrafii i zamiežnych moŭ. U vyniku manitorynhu va ŭstanovach adukacyi prybrali brytanskija ściahi, kab jany «nie daminavali nad biełaruskimi».
A namieśnik ministra adukacyi Alaksandr Kadłubaj niadaŭna ŭ tok-šou «Pa sutnaści» telekanała STB zajaviŭ, što «treba nie vyvučać i pahružacca ŭ kulturu i historyju nośbitaŭ movy, a viedać svaju kulturu i historyju na zamiežnaj movie, u hetym niama ničoha drennaha, naadvarot, karysna».
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram20
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary