Hrodzieniec, jaki maje prablemy z sustavami, pravioŭ za kratami bolš za 2,5 hoda.
Alaksiej — IT-inžynier. Skončyŭ fizmatškołu z załatym miedalom i VNU z čyrvonym dypłomam. U dziacinstvie jamu byŭ pastaŭleny składany dyjahnaz — «hiemafiličnaja poliartrapatyja», piša «Viasna».
Hrodzienca asudzili da 3 hadoŭ kałonii pavodle šeraha artykułaŭ Kryminalnaha kodeksa: art. 366 KK (pahroza hvałtam u dačynieńni da słužbovaj asoby), art. 364 KK (hvałt albo pahroza hvałtam u dačynieńni da supracoŭnikaŭ orhanaŭ unutranych spraŭ), art. 369 KK (abraza pradstaŭnika ŭłady) i art. 185 KK (prymus).
Aproč taho, z Alaksieja spahnali kampiensacyju maralnaj škody paciarpiełym na sumu bolš za 4 500 rubloŭ. Jon drenna chodzić praz prablemy z sustavami. Viadoma, što astatnim asudžanym u kałonii było zabaroniena jamu dapamahać.
Termin Hałoŭkin adbyvaŭ u babrujskaj kałonii № 2, adkul 26 žniŭnia vyjšaŭ na volu, paviedamiŭ u sacsietkach były palitviazień Źmicier Furmanaŭ. U źniavoleńni Alaksieja ŭtrymlivali 2 hady 8 miesiacaŭ i 23 dni.
Kamientary