U Śvietłahorsku siońnia ranicaj była zatrymanaja redaktarka infarmacyjnaj kampanii «Ranak» Julija Daŭletava, i jaje dahetul nie vypuścili, paviedamlaje «Homielskaja viasna».
Zatrymańnie adbyłosia pa miescy žycharstva. Kab nie turbavać dziaciej, Julija vyjšła z kvatery ŭ padjezd, paśla čaho dadomu nie viarnułasia.
U červieni šerah rabotnikaŭ «Ranka» ŭžo zatrymlivali, na ich byli nakładzienyja aryšty i štrafy za «ekstremizm u telefonie» pa artykule 19.11 KaAP. Tady Julii Daŭletavaj siarod zatrymanych nie było.
Paźniej sajt «Ranka» byŭ zakryty, a 4 lipienia sud Čyhunačnaha rajona Homiela abjaviŭ jaho i adpaviednyja staronki ŭ sacsietkach «ekstremisckimi materyjałami».
Zatrymańni ŭ červieni adbylisia paśla taho, jak «Ranak» pieršym paviedamiŭ pra vybuch i hibiel ludziej na Śvietłahorskim celułozna-kardonnym kambinacie.
Ciapier čytajuć
Bankaŭskija insajdary ličać novyja sankcyi suprać čatyroch biełaruskich bankaŭ małaznačnymi. I voś čamu
Kamientary