Biełaruski šoŭmien Jaŭhien Bułka bolš za hod žyvie ŭ Izraili. U instahramie jon raskazaŭ pra apieracyju, jakuju pieranios, a taksama padzialiŭsia, dzie ciapier pracuje.
Jaŭhien tłumačyć, što da apieracyi pa vypraŭleńni pieraharodki nosa ŭ jaho daŭno byli pakazańni daktaroŭ.
«A hady try jak tolki vosień i zima — nos u mianie zakładvała na paŭhoda, sasudzistaja reakcyja, praktyčna nie było praśvietu», — tłumačyć jon u storyz, čamu ŭ vyniku rašyŭsia vypravić pieraharodku.
Apieracyju jon zrabiŭ učora ŭ pryvatnym miedcentry płastyčnaj chirurhii, dzie pracuje sanitaram.
«U mianie dobraja miedycynskaja strachoŭka, jana pakryła praktyčna ŭsie raschody, ja zapłaciŭ svaich tolki 80 dalaraŭ», — dzielicca Jaŭhien Bułka.
Jaho ŭžo adpuścili z balnicy dadomu.
U Izrail viadomy šoŭmien pierajechaŭ viasnoj 2022 hoda.
«Na pačatku jašče sprabavaŭ trymacca, adnak uklučeńnie ŭ sumna viadomyja śpisy faktyčna nakłała zabaronu na prafiesiju, na aficyjnaje pracaŭładkavańnie. Tamu treba było šukać roznyja sposaby elemientarna vyžyvać dy zabiaśpiečvać siamju. Pierabrali, padajecca, usio vidavočnaje dy lehalnaje — i pryjšli da vysnovy, što treba radykalna mianiać miesca žycharstva», — raskazvaŭ jon u raniejšym intervju.
«Uklučeńnie ŭ sumna viadomyja śpisy nakłała zabaronu na prafiesiju». Šoŭmien Jaŭhien Bułka źjechaŭ u Izrail i raskazvaje pra svaju emihracyju
Za hod u Izrail źjechała amal 1300 biełarusaŭ. Čamu jany tudy pierabirajucca i za što žyvuć?
Biełaruski dyzajnier raspavioŭ, jak radykalna źmianiŭ siabie: zrabiŭ zuby i nos, pavialičyŭ rost, pierasadziŭ vałasy
Ciapier čytajuć
Ź psichbalnicy źbieh były načalnik Hancavickaj milicyi16
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Dizajnier, a počiemu by i vam tak nie sdiełať?
vied́ možiet tohda vas budiet lubiť nie tolko mama..
Ps. A pro nos-hłavnoje čtob tiebie nraviłoś. Udači bratan)