Hramadstva44

Łukašenka nazvaŭ užo novyja terminy pastaŭki ŭ Biełaruś jadziernaj zbroi. Jany ŭvieś čas ssoŭvajucca

Da kanca hoda ŭsia jadziernaja zbroja, pryznačanaja dla pieramiaščeńnia ŭ Biełaruś, budzie dastaŭlenaja. Pra heta Alaksandr Łukašenka zajaviŭ na sustrečy z žurnalistami zamiežnych i biełaruskich miedyja, pieradaje BiełTA.

Kompleks «Iskander». Fota: «Vajar»

«Da kanca hoda dakładna. Ale, ja dumaju, značna raniej my poŭnaściu pieramieścim bojehałoŭki, jakija pryznačanyja dla hetaha», — skazaŭ Łukašenka.

Pavodle jaho, miescy dla raźmiaščeńnia jadziernaj zbroi byli poŭnaściu hatovyja jašče miesiac tamu.

«Značnaja častka jadziernaj zbroi pieramieščanaja i znachodzicca ŭ Biełarusi», — zajaviŭ Łukašenka.

25 sakavika prezident Rasii Uładzimir Pucin upieršyniu abviaściŭ, što Rasija na prośbu Łukašenki raźmieścić u Biełarusi jadziernuju zbroju.

Tady Pucin zajaŭlaŭ, što 1 lipienia RF zakančvaje budaŭnictva śpiecyjalnaha schovišča dla taktyčnaj jadziernaj zbroi ŭ Biełarusi i što Rasija pieradała Biełarusi kompleks «Iskander», jaki moža być nośbitam jadziernaj zbroi.

Łukašenka 25 maja paviedamiŭ, što ŭsio ŭžo hatova i pieršaja zbroja ŭ Biełarusi.

«Nam treba było padrychtavać miescy zachoŭvańnia i inšaje.

My ŭsio heta zrabili, tamu pačałosia pieramiaščeńnie jadziernaj zbroi i bojeprypasaŭ», — skazaŭ jon tady. 

9 červienia ž Pucin zajaviŭ, što schoviščy dla zbroi jašče nie padrychtavany. Raźmiaščeńnie rasijskaj jadziernaj zbroi ŭ Biełarusi pačniecca adrazu paśla zaviaršeńnia 7-8 lipienia padrychtoŭki zbudavańniaŭ dla jaje, kazaŭ jon. 

Ale 16 červienia prezident Rasii, vystupajučy na Pieciarburhskim ekanamičnym forumie, raptam paviedamiŭ, što rasijskaja jadziernaja zbroja ŭžo ŭ Biełarusi.

«My viali pieramovy z našaj Sajuznaj dziaržavaj, prezidentam Łukašenkam nakont taho, što my častku hetaj taktyčnaj jadziernaj zbroi pieramieścim na biełaruskuju terytoryju. Heta adbyłosia. Pieršyja jadziernyja zarady dastaŭlenyja na terytoryju Biełarusi, ale tolki pieršyja», — zajaviŭ Pucin.

Taksama jon adznačyŭ, što da kanca leta abo hoda ŭ Biełaruś budzie dastaŭlena ŭsia zapłanavanaja jadziernaja zbroja.

Miž tym raźviedki zamiežnych krain, a taksama manitorynhavaja hrupa «Biełaruski Hajun» nie bačać śviedčańniaŭ pieramiaščeńnia jadziernaj zbroi ŭ Biełaruś.

Łukašenka ž siońnia zaŭvažyŭ, što zbroju pieramiaščali «nie pa ziamli». Jak heta adbyłosia, jon nie ŭdakładniŭ.

Kamientary4

  • Čarkaškvarka
    06.07.2023
    Heta pucin užo nazvau, hety pierakukarekau.
  • bhagawan
    06.07.2023
    mabyć tyju jadravuju zbroju viazuć z tych miescaŭ, adkul na biełaruś płanavaŭsia napad....
  • CNN
    06.07.2023
    Jasno, chočiet torhovaťsia:
    1) priess konfierienciju so vsiakimi CNN sozvał
    2) upominajet pro svojo proźviŝie diktator v tom kontiekstie čto nie očieńto on i diktator
    3) manipulirujet tiemoj raźmieŝientia JAO - to ono jesť, to jeho niet, davajtie potorhujemsia.
    4) vyvalił čieriez zabor v Jevropu ohromnoje količiestvo mihrantov - privlekajet vnimanije.
    Eti inostrannyje žurnalisty tolko pro Vahnier u nieho sprašivali? Babariko, Koleśnikova, ostalnyje zamučiennyje im nie intieriesny byli?

Ciapier čytajuć

Čamu biełarusy kuplajuć rasijskija «Łady» i čamu ad ich plujucca

Čamu biełarusy kuplajuć rasijskija «Łady» i čamu ad ich plujucca

Usie naviny →
Usie naviny

Sarkazi pryjechaŭ u turmu adbyvać termin. Jaho supravadžała žonka Karła Bruni5

MZS Polščy: Nie možam harantavać, što ŭ vypadku pralotu nad terytoryjaj krainy samalot Pucina nie budzie pasadžany dla aryštu10

«Ja tryvaŭ». Ajcišnik pražyŭ 5 hadoŭ biez seksu. Čamu ludzi zajmajucca hetym usio radziej?35

Vosiem čałaviek zatrymany ŭ Polščy pa padazreńni ŭ padrychtoŭcy dyviersij

Kiraŭnicu adździeła prodažaŭ sietki kramaŭ OMA asudzili za «sadziejničańnie ekstremisckaj dziejnaści»1

Zhraja vaŭkoŭ źbiehła ź Biełarusi ŭ Litvu VIDEA13

Armija Mjanmy vyzvaliła 2198 čałaviek z machlarskaj skam-fabryki KK Park4

Ułady Tajłanda aścierahajucca źnižeńnia turpatoku z-za zabojstva biełaruski2

Što treba było kurataru z KDB ad Liceja BDU da 2020 hoda?2

bolš čytanych navin
bolš łajkanych navin

Čamu biełarusy kuplajuć rasijskija «Łady» i čamu ad ich plujucca

Čamu biełarusy kuplajuć rasijskija «Łady» i čamu ad ich plujucca

Hałoŭnaje
Usie naviny →

Zaŭvaha:

 

 

 

 

Zakryć Paviedamić