«Heta zbroja prymusić pavažać našy intaresy». Staršynia homielskaha Čyrvonaha Kryža padtrymała raźmiaščeńnie jadziernaj zbroi ŭ Biełarusi
Staršynia Homielskaj abłasnoj arhanizacyi Biełaruskaha tavarystva Čyrvonaha Kryža Hanna Smalak padtrymała raźmiaščeńnie jadziernaj zbroi ŭ Biełarusi. Pra heta jana zajaviła dniami ŭ efiry homielskaha telebačańnia.
Žančyna raskazała, što abmiarkoŭvaje pytańnie jadziernaj zbroi z kalektyvami padčas naviedvańnia sielskich rajonaŭ i zavodaŭ, piša «Fłahštok». Pry hetym narod, pavodle jaje słoŭ, prosić pieradavać Łukašenku za heta vialikuju padziaku.
Pradstaŭnictva Čyrvonaha Kryža ŭ Biełarusi — całkam praŭładnaja arhanizacyja, jakaja biezahavoračna padtrymlivaje režym Łukašenki va ŭsich jaho dziejańniach jak na słovach, tak i na spravie. Členaŭ hetaj arhanizacyi, naprykład, zaŭsiody ŭklučajuć u skład vybarčych kamisij, i jany aktyŭna ŭdzielničajuć u falsifikacyi vybaraŭ roznaha ŭzroŭniu. U niadaŭniaj publikacyi «Fłahštoka» padrabiazna razhladałasia, nakolki dziejnaść arhanizacyi nie adpaviadaje takim zajaŭlenym pryncypam, jak niezaležnaść, niejtralnaść, biesstaronnaść i dobraachvotnaść.
Homielskaja abłasnaja arhanizacyja na čale z Hannaj Smalak u hetym płanie asabliva vyłučajecca. Sama Smalak ciapier maje adrazu dva deputackija mandaty: Homielskaha abłasnoha Savieta deputataŭ i Savieta Respubliki. Pry hetym Hanna Smalak nijak nie kamientavała źbićcio mirnych hramadzian, źjaŭleńnie ŭ krainie palitviaźniaŭ, zatoje asudziła ŭviadzieńnie sankcyj u dačynieńni da biełaruskaha režymu. Heta absalutna supiarečyć dekłaravanym pryncypam Mižnarodnaha Čyrvonaha Kryža, ale z boku vyšejšaha jaho kiraŭnictva nijakaj reakcyi na heta nie było.
Zrešty, vyšejšaje kiraŭnictva Mižnarodnaha Čyrvonaha Kryža taksama było nieadnarazova zaŭvažana ŭ simpatyjach da Maskvy, u tym liku i paśla pačatku paŭnamaštabnaj vajny z Ukrainaj. Niezdarma va ŭkraincaŭ da dziejnaści nacyjanalnaha pradstaŭnictva hetaj arhanizacyi taksama ŭźnikała i ŭźnikaje šmat pytańniaŭ.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary