Łukašenka zajaviŭ, što pačałosia pieramiaščeńnie ŭ Biełaruś jadziernych bojeprypasaŭ
Pra heta Alaksandr Łukašenka vykazaŭsia ŭ Maskvie, dzie prachodziŭ samit JEAES.
Siońnia ŭ Minsku ministr abarony Biełarusi Viktar Chrenin i ministr abarony Rasii Siarhiej Šajhu padpisali dakumienty, jakija tyčacca raźmiaščeńnia niestratehičnaj jadziernaj zbroi na terytoryi Biełarusi. Šajhu pastaviŭ kropku ŭ pytańni — jadziernaj zbrojaj budzie kiravać tolki Rasija.
Łukašenka ŭ Maskvie vykazaŭsia z hetaj nahody:
«Nam treba było padrychtavać miescy zachoŭvańnia i inšaje. My ŭsio heta zrabili, tamu pačałosia pieramiaščeńnie jadziernaj zbroi i bojeprypasaŭ».
Rasijski žurnalist udakładniŭ, ci zbroja ŭžo ŭ Biełarusi.
«Mahčyma, ja pryjedu pahladžu», — syšoŭ ad adkazu Łukašenka.
U inšym kamientary Łukašenka taksama kazaŭ, što mienavita Pucin vyrašaje, dzie i kolki bojeprypasaŭ raźmiaścić.
Raniej palityk supakojvaŭ rasijan, što ź ich zbrojaŭ na terytoryi Biełarusi ničoha nie zdarycca. «My akuratnyja, haspadarlivyja», — davaŭ kamientar Łukašenka.
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?2
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary