U Vilni ŭpieršyniu ŭ Jeŭropie na vulicy vyjechali bieśpiłotnyja aŭtamabili
Na hetym tydni ŭ Vilni pačali pracu pa dastaŭcy tavaraŭ try pieršyja bieśpiłotnyja aŭtamabili. Stalica Litvy — pieršy horad na kantyniencie, dzie buduć vykarystoŭvacca aŭtanomnyja aŭtamabili.
Vosieńniu minułaha hoda adzin taki aŭtamabil užo kursiravaŭ u adnym ź vilenskich mikrarajonaŭ. Tady jaho testavali, praviarali, ci moža jon biaśpiečna ŭdzielničać u ruchu. Było vyrašana, što takija aŭtamabili mohuć biaśpiečna kursiravać i ŭ centry horada.
Vice-ministarka transpartu Ahnie Vajciukiavičucie padkreśliła dla partała Delfi, što ŭpieršyniu ŭ Jeŭropie hetyja bieśpiłotnyja aŭtamabili buduć udzielničać u ruchu naroŭni ź inšymi aŭtamabilami.
Sa słoŭ vice-ministarki, z 2018 hoda ŭ Litvie dziejničajuć zakony, jakija dazvalajuć takoj technicy ŭdzielničać u ruchu.
Pradstaŭnik kampanii Clevon, jakaja stvaryła hetyja aŭtamabili, Mart Macisien skazaŭ, što hetyja aŭtamabili stvorany tak, kab jeździć pa vulicach na chutkaści nie vyšejšaj za 50 km/h, ale dla biaśpieki ich chutkaść u Vilni źmienšyli da 25 km/h.
U horadzie napačatku buduć kursiravać try takija aŭtamabili. Jany buduć dastaŭlać zamovy sietki kramaŭ IKI — heta anałah biełaruskaj «Je-dastaŭki».
Na pytańnie, što rabić, kali nie ŭdasca paźbiehnuć sutyknieńnia z takim aŭto, pradstaŭniki prajekta skazali, što pracedura nie mianiajecca: vyśviatlajuć, chto vinavaty, kali vina budzie bieśpiłotnaha aŭtamabila, to za DTZ adkaža kampanija Clevon.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki7
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary