Śpiavačka Madonna trapiła ŭ reanimacyju z «surjoznaj bakteryjalnaj infiekcyjaj»
Mieniedžar Madonny Haj Asiry paviedamiŭ u instahramie, što ŭ subotu ŭ śpiavački raźviłasia «surjoznaja bakteryjalnaja infiekcyja». Jaje špitalizavali i źmiaścili ŭ adździaleńnie intensiŭnaj terapii na niekalki dzion.
15 lipienia Madonna pavinna była pačać suśvietnaje turne ŭ honar 40-hodździa svajoj muzyčnaj karjery. Ale ciapier usie zapłanavanyja mierapryjemstvy śpiavački, uklučajučy vystupleńni ŭ ramkach turu, adkłali ŭ suviazi ź jaje chvarobaj.
Madońnie, ci Łuizie Vieranicy Čykone Ryčy, ciapier 64 hady. Svaju muzyčnuju karjeru jana pačała ŭ 1979 hodzie jak barabanščyca ŭ ńju-jorkskim rok-hurcie Dena Hiłroja Breakfast Club, a nieŭzabavie pierajšła da ihry na hitary i śpievu.
Z kanca 1980-ch za Madonnaj tryvała zamacavaŭsia tytuł «karalevy pop-muzyki», a ŭ 2000 hodzie jaje ŭnieśli ŭ Knihu rekordaŭ Hiniesa jak samuju paśpiachovuju vykanaŭcu ŭsich časoŭ.
Kamientary