Padam Padam! Kajli Minoŭh viarnułasia z novym chitom, jaki bje rekordy
Kajli Minoŭh vypuściła svoj samy vialiki solny chit za bolš čym dziesiać hadoŭ — tancavalny himn Padam Padam, jaki ŭžo śpiavaje ŭsia Jeŭropa. Heta pieršaja pieśnia zorki, jakaja ŭvarvałasia ŭ top-10 Vialikabrytanii paśla chita All the Lovers, jaki dasiahnuŭ treciaha miesca ŭ čarcie 2010 hoda, piša Bi-bi-si.
Takim čynam, Kajli stała adnoj z čatyroch žančyn, jakija trapili ŭ top-10 Vialikabrytanii za piać asobnych dziesiacihodździaŭ — razam z Šer, Łułu i Dajanaj Ros.
Śpiavačka skazała, što pośpiech pieśni, jakaja stała virusnaj u tyktoku, ździviŭ u tym liku i jaje. «Mnie i majoj kamandzie jana vielmi padabajecca, ale takoha jaje pośpiechu ja nie mahu zrazumieć», — skazała śpiavačka ŭ prahramie Breakfast Show na Radio 2 VVS.
Pieśnia «Padam Padam» taksama stała chitom u Irłandyi, Niderłandach, Arhiencinie, Čyli, Hiermanii, Salvadory, Novaj Ziełandyi i, viadoma, na radzimie Kajli — u Aŭstralii.
Nazva, jakaja imituje huk sercabićcia, była natchnionaja adnajmiennaj pieśniaj Edyt Pijaf. «Heta hukapierajmańnie, — patłumačyła Kajli. — D-dum, d-dum, jak sercabićcie».
Ale fanaty pačali vykarystoŭvać hetaje słova dla abaznačeńnia samych roznych rečaŭ — ad pryvitańnia i raźvitańnia da vykazvańnia ŭchvaleńnia. «Što dumaješ pra jaje stroi?» — «Padam». — «Jakuju kavu vy lubicie?» — «Padam». — «Na vulicy horača?» — «Padam, padam».
Finskamu ŭdzielniku «Jeŭrabačańnia» dali na hod biaspłatna karystacca kvateraj
Poł Mak-Kartni zapisaŭ «apošniuju pieśniu Bitłz». Pryčym zrabiŭ heta z dapamohaj štučnaha intelektu
Kultavy chit hurta Queen «Bahiemskaja rapsodyja» pieršapačatkova nazyvaŭsia inakš. Pra heta śviedčać čarnaviki Fredzi Merkjury
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary
jak tam Pievźnier? jašče žyva?