«Tolki što byŭ dakład našaj raźviedki i Słužby biaśpieki Ukrainy. Rasieja razhladaje scenar terarystyčnaha akta na Zaparožskaj atamnaj stancyi — terarystyčnaha akta z vykidam radyjacyi. Jany ŭsio padrychtavali dla hetaha», — skazaŭ prezident Ukrainy.
Prezident Ukrainy Uładzimir Zialenski paviedamiŭ, što Rasieja imavierna rychtujecca ździejśnić terakt na Zaparožskaj atamnaj stancyi, jaki moža pryvieści da vykidu radyjacyi. Pra heta jon zajaviŭ padčas ekstrannaha videazvarotu 22 červienia, jak piša «Ukrainskaja praŭda».
«Tolki što byŭ dakład našaj raźviedki i Słužby biaśpieki Ukrainy. Rasieja razhladaje scenar terarystyčnaha akta na Zaparožskaj atamnaj stancyi — terarystyčnaha akta z vykidam radyjacyi. Jany ŭsio padrychtavali dla hetaha».
Prezident nahadaŭ, što radyjacyja nie viedaje dziaržaŭnych miežaŭ i što «tolki kirunkam vietru vyznačajecca, «pa kim jana ŭdaryć».
Zialenski dadaŭ, što Ukraina pieradaje ŭsiu najaŭnuju infarmacyju i ŭsie dokazy partnioram u Jeŭropie, Amierycy, Kitai, Brazilii, Indyi, arabskim śviecie, Afrycy.
«Nijakich teraktaŭ na atamnych stancyjach nikoli, nidzie nie pavinna być. Na hety raz nie pavinna być, jak z Kachoŭkaj: śviet papiaredžany, takim čynam, śviet moža i pavinien dziejničać», − padsumavaŭ prezident Ukrainy.
20 červienia kiraŭnik Hałoŭnaha ŭpraŭleńnia raźviedki Kiryła Budanaŭ dapuściŭ, što jość pahroza padryvu abo avaryi na Zaparožskaj atamnaj elektrastancyi, pakolki akupanty dadatkova zaminiravali achaładžalnik.
-
Ukraincy parazili ŭstanoŭku «Iskander», što chacieła nanieści ŭdar pa Kijevie
-
Rasijskija samaloty nie źniščanyja, a paškodžanyja padčas ataki, ich adnoviać — namieśnik ministra zamiežnych spraŭ Rasii
-
U Pryłukach Čarnihaŭskaj vobłaści dron trapiŭ u dom načalnika miascovaj pažarnaj častki. Zahinuła jaho siamja
Kamientary