Śviet

«Mietadyčki nie padvieźli». Kreml vyrašyŭ raspavieści rasijanam, što katastrofa na Kachoŭskaj HES — nie samaja značnaja padzieja

Rasijskija dziaržkanały nazyvajuć situacyju ŭ Chiersonskaj vobłaści «pavodkaj».

Evakuacyja ŭ Chiersonskaj vobłaści. 8 červienia 2023 hoda

Dziaržaŭnyja i łajalnyja Kramlu ŚMI nie atrymlivali ad Administracyi prezidenta RF vyraznych rekamiendacyj pa aśviatleńni katastrofy na Kachoŭskaj HES (zvyčajna takija «mietadyčki» źjaŭlajucca amal adrazu paśla lubych hučnych padziej). Pra heta «Mieduzie» raspaviali dźvie krynicy ŭ bujnych praŭładnych vydańniach.

Ź ich słoŭ viadoma, što prapahandystam navat nie paviedamili, što kankretna treba nazyvać u jakaści pryčyny razbureńnia płaciny. «Piedaliravać nie treba, ale nie treba i zamoŭčvać», — apisvaje ahulny padychod praŭładnych ŚMI adzin z surazmoŭcaŭ «Mieduzy».

Dziaržaŭnyja telekanały i prapahandysckija internet-ŚMI sapraŭdy razyšlisia ŭ acenkach taho, što zdaryłasia. Bolš taho, čaściej za ŭsio hałoŭnyja rasijskija kanały navat nie stavili Kachoŭskuju HES pieršaj temaj.

Naprykład, u dzionnym vypusku prahramy «Viesti» (telekanał «Rasija 1») 8 červienia pieršym siužetam išło paviedamleńnie pra toje, jak rasijskija vojski nibyta «paśpiachova adbivajuć» ataki USU. Zatapleńnie Chiersonskaj vobłaści ŭ prahramie nazvali «pavodkaj, jakaja pačałasia paśla ŭkrainskaha abstrełu Kachoŭskaj płaciny». U viačernim vypusku «Viestiej» historyja paŭtaryłasia: spačatku katastrofu na HES pryznali «varvarskaj akcyjaj» Ukrainy, paśla čaho karespandenty prahramy abviaścili, što ŭ Chiersonskaj vobłaści — «pavodka» (NTV vykarystoŭvaje toje ž słova).

U adnym z vypuskaŭ navin na Pieršym kanale siužet pra katastrofu i zusim byŭ čaćviortym pa liku.

Jamu papiaredničali apovied pra Mižnarodny forum ministraŭ adukacyi, naviny ab zachodnim uzbrajeńni, nibyta źniščanym na froncie, a taksama siužet pra zatrymańnie «kijeŭskaha ahienta» ŭ Daniecku. Na pryčynach katastrofy Pieršy kanał uvahu asabliva nie fakusuje. HES tam nazyvajuć «atakavanaj», ale, jak mienavita i chto jaje atakavaŭ, nie paviedamlajecca.

Usie dziaržaŭnyja kanały (a taksama prapahandysckija internet-ŚMI) najbolšuju ŭvahu nadajuć tamu, jak akupacyjnyja ŭłady nibyta paśpiachova arhanizavali evakuacyju žycharoŭ zatoplenych haradoŭ i viosak. Heta nie adpaviadaje rečaisnaści.

«Mieduza» raspaviadała, što ŭ realnaści rasijskija čynoŭniki całkam pravalili evakuacyju i jak minimum u pieršyja sutki paśla katastrofy pieraškadžali tym, chto sprabavaŭ vyratavacca svaimi siłami.

Jak padkreślivaje supracoŭnik dziaržaŭnaha vydańnia, hledačam i čytačam praŭładnych ŚMI adnačasova raspaviadali, jak «Rasija ratuje i dapamahaje», a «Ukraina abstrelvaje tych, kamu Rasija dapamahaje».

Krynica «Mieduzy», blizkaja da Administracyi prezidenta (mienavita tam składajucca tak zvanyja mietadyčki dla praŭładnych ŚMI), tłumačyć, što pakul «napirać na pryčyny [katastrofy] niemetazhodna».

«Aficyjna prezident ukazvaje na Ukrainu, [ministr abarony RF Siarhiej] Šajhu kaža, što heta zrabiła Ukraina, Dźmitryj Piaskoŭ taksama robić takija zajavy. Hetaha dastatkova. A akcent lepš zrabić na stanoŭčym, u tym liku kab zališnie nie pałochać ludziej. Standartny miechanizm adpracoŭki», — zapeŭnivaje jon, nazyvajučy razbureńnie Kachoŭskaj HES, «pa sutnaści, pryrodnaj katastrofaj».

Kamientary

Ciapier čytajuć

Fienomien miedycynskaha ŭniviersitetu: kabała z raźmierkavańniem, nievialikija zarobki, ale ad abituryjentaŭ adboju niama

Fienomien miedycynskaha ŭniviersitetu: kabała z raźmierkavańniem, nievialikija zarobki, ale ad abituryjentaŭ adboju niama

Usie naviny →
Usie naviny

Pinčanka, što rassyłała pa pošcie makułaturu nakładnym płaciažom, atrymała realny termin

Paśla papiaredžańnia MARH «Apłaci» admoviłasia ad uviadzieńnia abanpłaty za prajezd2

Dana Holdings paźbiehła sankcyj ES: kampaniju padmianili na firmu-pustyšku3

Ukrainski dron vyklikaŭ pažar u lesie pobač z pałacam Pucina ŭ Hielendžyku

«Vyrašajecca pytańnie ź placoŭkaj». Kancert Maksa Karža ŭ Kazachstanie ŭsio ž moža adbycca5

«Što vy hadaść amierykanskuju padsoŭvajecie?» Łukašenka zahadaŭ, kab u Mak.by było ŭsio biełaruskaje29

Pasoł ES napisała, što jana dumaje pra Rasiju paśla ŭdaru pa Kijevie, jaki začapiŭ misiju Jeŭrasajuza16

U Minsku znoŭ zaŭvažyli vialikuju čarhu2

Śledčyja ŭ Hiermanii vyznačyli asoby ŭsich padazravanych u padryvie «Paŭnočnych patokaŭ»15

bolš čytanych navin
bolš łajkanych navin

Fienomien miedycynskaha ŭniviersitetu: kabała z raźmierkavańniem, nievialikija zarobki, ale ad abituryjentaŭ adboju niama

Fienomien miedycynskaha ŭniviersitetu: kabała z raźmierkavańniem, nievialikija zarobki, ale ad abituryjentaŭ adboju niama

Hałoŭnaje
Usie naviny →

Zaŭvaha:

 

 

 

 

Zakryć Paviedamić