Na vajskovych zborach u Minskim rajonie treniravać buduć instruktary-«vahnieraŭcy»
Vajskovaabaviazanych Minskaha rajona ŭ pačatku červienia vyklikali ŭ rajonny vajskovy kamisaryjat. U pozvach paznačyli, što dla ŭdakładnieńnia źviestak, a na miescy vyśvietliłasia: pryčyna vizitu inšaja. Mužčynam abviaścili, što ich zaklikajuć na zbory ŭ kancy miesiaca, a treniravać ich buduć u tym liku najmity z PVK «Vahnier», jakaja vajuje va Ukrainie. Pra heta «Lusterku» stała viadoma ad adnaho z prysutnych na mierapryjemstvie.
Zbory praciahłaściu 10 dzion buduć pravodzicca z 19 pa 28 červienia na bazie vajskovaj čaści 3214 — pra heta na sustrečy z vajskovaabaviazanym raskazaŭ pradstaŭnik čaści. Pavodle jaho słoŭ, pryciahvać navučańni biełarusaŭ buduć i instruktaraŭ z PVK «Vahnier».
Žonka adnaho z prysutnych na sustrečy patelefanavała ŭ vajskkamaty Minskaha rajona i vobłaści, a taksama ŭ pryjomnuju Minabarony. Jana pytałasia, čamu vajskovaabaviazanych buduć treniravać «vahnieraŭcy».
Nijakaha ŭciamnaha adkazu jana nie atrymała.
Pradstaŭniki PVK «Vahnier» słavutyja svajoj žorstkaściu. U intervju adzin ź ich dzialiŭsia, što ŭ Saladary i Bachmucie jany zabivali mirnaje nasielnictva: «My išli i zabivali ŭsich. Byli žančyny, mužčyny, dziady, piensijaniery, piensijanierki i dzieci».
Hetak ža biaźlitasna vahnieraŭcy raspraŭlajucca z ułasnymi ludźmi: u siecivie jość šerah videa pakarańniaŭ śmierciu bajcoŭ. Kahości zabivajuć kuvałdaju, kahości prymušajuć kapać sabie mahiłu i paśla rasstrelvajuć.
Dniami «vahnieraŭcy» ŭziali ŭ pałon padpałkoŭnika rasijskaha vojska i prymusili prasić prabačeńnia na videa.
«My na siońnia prajhrajom vajnu. Dzie našy kłoŭny?» Pryhožyn znoŭ prajšoŭsia pa Šajhu i Hierasimavie i prapanavaŭ ich rasstralać
«Pačvary śmiardziučyja, vy što robicie?» Pryhožyn nakinuŭsia na Minabarony Rasii
«Adzin adnaho viedajem jašče z 1-j i 2-j vajny ŭ Čačni». Pierapałka «kadyraŭcaŭ» i «pryhožyncaŭ» vyjšła na novy ŭzrovień
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna16
Kamientary