Pad Minskam pradajecca stylnaja dača z brusa i ź interjeram, jak u Pinterest. Cana — jak u dvuchpakajoŭki
Dreva — toj materyjał, jaki nie maje patreby ŭ dekory. Tamu, kali vy vykarystoŭvajecie jaho dla budaŭnictva ci ŭ azdableńni, lepš prytrymlivacca minimalizmu ŭ interjery. Heta dača tamu prykład. Jana była pabudavana z brusa. Zvonku i ŭnutry dom vyhladaje akuratna i stylna. Da taho ž tut jość terasa i bałkon. Realt pakazvaje daču i raspaviadaje, što ŭ joj jość.
Dom znachodzicca ŭ ST «Nadzieja-Ščarbiny» za 25 km ad Minska. Tam na ŭčastku 7,25 sotki ŭ 2018 hodzie byŭ pabudavany dom z acylindravanaha brusa, dach pakryli andulinam. Daču ŭźviali na dva pavierchi. U vyniku płošča zaharadnaha abjekta składaje 103,8 m².
Uładalniki vyrašyli nie chavać brus na pieršym paviersie. Dadatkovaje azdableńnie jość tolki ŭ spalnych pakojach na druhim paviersie, ścieny jakich adroźnivajucca śvietłym adcieńniem.
Na pieršym paviersie raźmiaścilisia haścioŭnia, stałovaja i kuchnia. U interjery niama lišnich detalaŭ — usio abstaŭlałasia pa nieabchodnaści.
Tut jość modnaja kanapa i stały z kresłami, šafa i kamoda. Meblu nabyli niekalki hadoŭ tamu, ale karystalisia joj tolki letam i tolki pa vychadnych. Dastaniecca pakupnikam i technika: chaładzilnik, pasudamyjka, indukcyjnaja varačnaja panel, pompa, jakaja padvyšaje napor vady.
Na druhim paviersie raźmiaścilisia dźvie spalni. Abstalavańniem dačy zajmałasia haspadynia chaty — dyzajnier interjera.
U chacie taksama majecca i sanvuzieł z dušavoj kabinaj. Vada na dačy siezonnaja, ustalavany bojler. Aciaplali dom z dapamohaj kałaryfiera.
Aŭtar abjavy raskazaŭ, što dom budavali dla letniaha adpačynku: «Chacieli schavacca ad śpiakoty, tamu pra śvidravinu i aciapleńnie nie dumali». Kanalizacyja tut miascovaja.
Dača pabudavana z prastornaj terasaj na pieršym paviersie i bałkonam na druhim.
Kupić daču možna za 69 tysiač dalaraŭ.
Ciapier čytajuć
Zamiest vajny słany ŭ novaj knizie Sašy Filipienki. I Maskva3
Kamientary