«Sustreŭ budučuju žonku ŭ 16 hadoŭ». Historyja kachańnia najlepšaha hulca ČS pa chakiei i jaho druhoj pałovy
Viendzija Šyłava nazyvaje svajho muža «lvom». U niadzielu Artur Šyłaŭ dapamoh zbornaj Łatvii ŭpieršyniu ŭ historyi zavajavać bronzu čempijanatu śvietu pa chakiei.
Bramnik zbornaj Łatvii pa chakiei, 22-hadovy Artur Šyłaŭ sustreŭ budučuju žonku Viendziju ŭ 16 hadoŭ, kali vučyŭsia ŭ 10 kłasie. Aboje na toj momant vučylisia ŭ himnazii, piša Delfi.
Viendzija Šyłava nazyvaje svajho muža «lvom»: «Artur mocny, vielmi rašučy, śmieły i nastojlivy. Jon budzie pieraśledavać svaju metu, jak zdabyču. Tamu dla mianie jon zaŭsiody budzie lvom».
Historyja kachańnia Šyłavych pačałasia ŭ 10 kłasie. Viendzija adrazu ŭbačyła patencyjał dla pośpiechu, jana vieryć, što adnojčy Kubak Stenli apyniecca ŭ rukach jaje muža [Artur Šyłaŭ hulaje za kłub ACHŁ (druhaja chakiejnaja liha ŭ Amierycy), ale pravioŭ piać matčaŭ za kłub NCHŁ «Vankuvier» — NN]. «Kali my paznajomilisia, Artur šmat raskazvaŭ mnie pra hulca NCHŁ Andreja Vasileŭskaha, jaki byŭ jaho kumiram», — uspaminaje jana.
Pamiž zaručynami i viasiellem prajšło šeść miesiacaŭ. Artur paprasiŭ ruki svajoj niaviesty ŭ sakaviku 2019 hoda, u hety dzień jon apošni raz hulaŭ za kłub «Ryha» — suprać kłuba «Modo».
Viasielle było cichim, pra jaho viedali niamnohija. Jak ciapier kaža Viendzija, heta było trochi padobna da historyi Ramea i Džuljety — jany aboje prajšli praź niekatoryja ciažkaści pierad viasiellem.
U ich taksama pytalisia, ci nie zanadta rana ažanicca ŭ takim uzroście — žanichu i niavieście było pa 19 hadoŭ, ale Viendzija kaža, što jany aboje byli ŭpeŭnienyja ŭ svaich stasunkach.
Viendzija žyvie ŭ Łatvii, vučycca na kaśmietołaha i pracuje aficyjantkaj. Jaje muž bolšuju častku času pravodzić u Kanadzie, dzie hulaje za kamandu «Abasford Kenaks». Apošni raz jany praviali razam doŭhi čas u listapadzie minułaha hoda, kali Viendzija na dva tydni pryjazdžała da muža. Mahčyma, jana padumaje pra pierajezd tudy paśla zakančeńnia vučoby.
Jana časta atrymlivaje kvietki ad Artura, jakija dastaŭlaje kurjer. Šyłavy taksama kupili kania pa mianušcy Beła i zaviali dźviuch kotak. Viendzija kłapocicca pra žyvioł na radzimie.
Matčy čempijanatu śvietu jana hladzieła doma ź siamjoj — u Tampere na dźvie apošnija hulni čempijanatu śvietu nie zmahła pajechać praz vučobu.
Pa vynikach čempijanatu bramnik zbornaj Łatvii Artur Šyłaŭ pryznany samym kaštoŭnym hulcom turniru (MVP). Šyłaŭ staŭ piatym bramnikam, jaki atrymaŭ tytuł MVP čempijanatu śvietu. Akramia taho, Šyłaŭ — treci łatvijski chakieist u historyi, jaki stanaviŭsia samym kaštoŭnym hulcom turniru. Papiarednija dva tytuły atrymali Chielmut Bałderys (1977) i Artur Irbe (1990), jakija hulali tady za zbornuju SSSR.
Kamientary