Hramadstva99

Skandał z CE: vypuskniki skardziacca na pamyłki ŭ vynikach, aburanyja školniki i ich baćki abryvajuć telefony Minadukacyi

U paniadziełak, 29 maja, adzinaccacikłaśnikam pryjšli vyniki CE pa biełaruskaj i ruskaj movach. Praŭda, da acenak u vypusknikoŭ i ich baćkoŭ jość vialikija pytańni: jany śćviardžajuć, što vyniki paličyli niapravilna. Aficyjnych kamientaroŭ ab hetym niama ni ad Respublikanskaha instytuta kantrolu viedaŭ, ni ad Ministerstva adukacyi, piša «Lusterka». 

Jak raskazali čytačy «Lusterka», pytańniaŭ da vynikaŭ ispytu vyjaviłasia šmat. Jany padzialilisia z žurnalistami prykładami niapravilnych padlikaŭ.

Tak, adna z abituryjentak zdavała ispyt pa ruskaj movie. Usiaho ŭ teście było 40 pytańniaŭ, na 37 ź jakich dziaŭčyna adkazała pravilna i jašče na adno častkova. Ale, miarkujučy pa danych u asabistym kabiniecie, jaje pracu acanili ŭ 82 bały.

Jašče adna vypusknica zdavała biełaruskuju movu. U 40 pytańniach jana zrabiła dźvie pamyłki i jašče na dva adkazała častkova dakładna. Taki vynik Respublikanski instytut kantrolu viedaŭ (RIKV) acaniŭ u 74 bały.

A ŭ treciaj adzinaccacikłaśnicy i zusim nie było pamyłak: u asabistym kabiniecie 39 pravilnych adkazaŭ, a na adno pytańnie dziaŭčyna adkazała častkova. Praŭda, niapoŭny adkaz kaštavaŭ joj 8 bałaŭ — u vyniku jana atrymała 92.

— U kahości ŭvohule vyniki ŭ 101 i 103 bały. Ci, naprykład, u kahości 0,0000000000074 bała ci navat nul. Jak takoje mahčyma? Usie ŭ šoku, — aburajecca čytač.

«Lusterka» piša, što skrynšoty jość u redakcyi. 

— Kali nie budzie pieraliku, mnohija navat nie pastupiać praz RIKV, — abmiarkoŭvajuć školniki ŭ čatach. Mnohija chłopcy ŭžo žartujuć, što hatovyja słužyć: «Nu, u vojska zaŭsiody možna. Spadziajusia, sustreniemsia ŭ adnoj rocie, mužyki».

Paśla atrymańnia adkazaŭ zasmučanyja školniki i ich baćki atakavali haračuju liniju RIKV.

— Nam adkazvajuć, što adbyŭsia zboj i bały pieraličać. Abiacali zrabić heta ŭžo da siońniašniaha viečara, — pieradajuć pa čatach vypuskniki.

Apieratyŭna datelefanavacca da apieratara haračaj linii RIKV žurnalisty nie zmahli, u instytucie nie zdymali trubku. Taksama apieratyŭna atrymać kamientar nie ŭdałosia i ŭ Ministerstvie adukacyi. 

Jak pavinny ličyć bały na CE? Za kožnaje pravilna ci častkova pravilna vykananaje zadańnie vypuskniku naličvajucca 1 ci 2 pieršasnyja bały (u zaležnaści ad typu zadańnia). Potym suma pieršasnych bałaŭ abituryjenta pieravodzicca ŭ testavy bał. Heta robicca z dapamohaj śpiecyjalnaj formuły, jakuju RIKV nie publikuje.

U 2022 hodzie pieršasnyja i testavyja bały CT pa ruskaj i biełaruskaj movach suadnosilisia takim čynam, tablicy za 2023 hod pakul niama.

CE ŭ Biełarusi prachodzić pieršy hod. Kožny vypusknik-2023 zdavaŭ dva centralizavanyja ekzamieny. Adzin abaviazkovy — pa ruskaj ci biełaruskaj movie. Druhi pradmiet — pa vybary. Zadańni adaptavali da bazavaha ŭzroŭniu školnaj prahramy.

Kamientary9

  • 103% iz 100
    29.05.2023
    Srazu vidna rabota Karpienko - pochodu on, buduči siejčas hłavoj łukašienkovskoho cika, riešił snačała obkatať pieriedovyje mietody podsčieta v ministierstvie obrazovanija. Obkatka prošła uśpiešna na vsie 103%. Takoj žie riezultat budiet i na śledujuŝich vyborach, biełarusy dosročno prohołosujut na 103%. Chotia, čieho jeŝie ždať ot kommunista. Ura tovariŝi, razdievajetieś i rabotajtie!
  • )
    29.05.2023
    Tot słučaj, kohda tie, kto rassčityvał riezultaty, sami nie usvoili bazovuju školnuju prohrammu)
  • 103
    29.05.2023
    cikava, kolki kola ŭ svoj čas atrymaŭ? peŭna 146%

Ciapier čytajuć

Polšča pryznała Alaksandra Mašenskaha niepažadanaj asobaj34

Polšča pryznała Alaksandra Mašenskaha niepažadanaj asobaj

Usie naviny →
Usie naviny

Na vajnie va Ukrainie zahinuŭ rasijski aktyvist, jaki byŭ suprać vajny i zaklikaŭ nie iści na jaje4

Frydman: Čamu amierykancy raptam pavinny pastavić svajoj metaj vyzvaleńnie palitźniavolenych u Biełarusi i jašče bolš — abmianiać ich na sankcyi?7

Karova ciažka traŭmavała dziaŭčynku ŭ Biarozaŭskim rajonie1

Na čaćvier znoŭ abvieščany aranžavy ŭzrovień, i jość tryvožny zvanočak2

«Hrošy nikudy nie padzielisia, ich nichto nie skraŭ». U Bankaŭskim pracesinhavym centry prakamientavali situacyju sa śpisańniem srodkaŭ1

«Jak u 1937-m». Śmierć rasijskaha ministra — papiaredžańnie dla palityčnaj elity2

«Upeŭnieny Senior z 4000 i kvateraj». Jak moładź płanuje žyćcio da 2030+2

Maštabny zboj u troch biełaruskich bankach: z rachunkaŭ źnikajuć hrošy9

Pad Minskam mašyna źbiła łasia — zahinuli dva čałavieki, paciarpieŭ viadomy komik2

bolš čytanych navin
bolš łajkanych navin

Polšča pryznała Alaksandra Mašenskaha niepažadanaj asobaj34

Polšča pryznała Alaksandra Mašenskaha niepažadanaj asobaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić