«Atačyŭ siabie danosčykami». Raskazvajem pra dekana jurfaka BDU, sa studentam jakoha dvojčy zapisali videa ŭ duchu siłavikoŭ
Dniami jurfak BDU ŭ instahramie apublikavaŭ videa sa studentam treciaha kursa, jaki prasiŭ prabačeńnia za dyskredytacyju BRSM i administracyi fakulteta. Videa źniali na manier HUBAZiKa. Takoje nie mahło adbycca biez zhody, a moža i bieź inicyjatyvy dekana fakulteta Andreja Šydłoŭskaha. U bijahrafii apošniaha chapaje cikavych detalaŭ.
46-hadovy Andrej Šydłoŭski — kandydat jurydyčnych navuk, dacent. Naradziŭsia jon u Kapyli, što ŭ Minskaj vobłaści.
U 1998 hodzie z adznakaj skončyŭ jurydyčny fakultet BDU, u 2002-m abaraniŭ dysiertacyju na temu «Instytut pryznačeńnia pakarańnia ŭ kryminalnym pravie Respubliki Biełaruś: sistemna-funkcyjanalny analiz».
Doŭhi čas Šydłoŭski byŭ namieśnikam dekana jurfaka BDU pa vučebna-vychavaŭčaj častcy (z 2006-ha pa 2020-y). Paśla hod zajmaŭ pasadu pieršaha namieśnika dyrektara Instytuta pierapadrychtoŭki i pavyšeńnia kvalifikacyi sudździaŭ, rabotnikaŭ prakuratury, sudoŭ i ŭstanoŭ justycyi BDU. A ŭ vieraśni 2021-ha viarnuŭsia na jurfak, užo dekanam. Ën źmianiŭ Taćcianu Michalovu, jakaja choć i ŭdzielničała ŭ represijach suprać studentaŭ, ale nie ščyravała ŭ hetym.
Šydłoŭski maje šmat uznaharod ad siłavych viedamstvaŭ, naprykład ad Hienieralnaj prakuratury, Śledčaha kamiteta. U 2019-m atrymaŭ padziaku ad Łukašenki.
Žonka dekana jurfaka — Taćciana Šydłoŭskaja — da 2018-ha pracavała ŭ jurydyčnym kaledžy BDU vykładčycaj chimii i ekałohii. Ciapier jana zajmaje siniekuru — pasadu pres-sakratarki ŭ Ministerstvie pryrody.
«Da 2020 hoda Šydłoŭski lubiŭ jeździć u Jeŭropu i arhanizoŭvaŭ roznyja pajezdki studentaŭ (z bazy, pieradadzienaj «Kibierpartyzanami», viadoma, što Šydłoŭski časta jeździŭ u Polšču i Ukrainu. — NN). Pry hetym chadzili historyi, što jon stukaje na studentaŭ u KDB», — raskazaŭ «Našaj Nivie» były supracoŭnik fakulteta.
Styl kiravańnia Šydłoŭskaha — vielmi žorstki kantrol za ŭsim žyćciom fakulteta, jak kaža znajomy dekana.
Šydłoŭski siabruje z vykładčykam i namieśnikam dekana pa navukovaj pracy Siarhiejem Kalininym. «Pravasłaŭny ruskamirac», — dajuć charaktarystyku vykładčyku.
Kali Šydłoŭski byŭ namieśnikam dekana, pa słovach niekalkich jaho kaleh, jon farmavaŭ vakoł siabie hrupy studentaŭ-danosčykaŭ.
«Pierad ekzamienacyjnaj siesijaj jon asabista razmaŭlaŭ z ekzamienatarami, vyprošvaŭ vysokija adznaki dla dziaciej vialikich načalnikaŭ. Da mianie nie padychodziŭ, bo atrymaŭ by žorstki adpor», — raskazaŭ «Našaj Nivie» były vykładčyk.
Adzin z byłych studentaŭ apisvaje dekana jurfaka jak prafiesijanała, jaki dobra raźbirajecca ŭ svajoj temie. Adnak pry hetym jon «špijoniŭ za studentami. Jon pracavaŭ z usimi studenckimi arhanizacyjami i vybiraŭ tych, chto pavinien dakładać pra svaich adnahrupnikaŭ, kab nie było kramoły», — kaža jon.
Inšy były kaleha Šydłoŭskaha apisvaje jaho jak «uśmiešlivaha dyktatara».
«Lubić kantralavać usio, — raskazvaje jon. — Zručna dla jaho atrymałasia, što padčas vybaraŭ jon pierajšoŭ pracavać u Instytut pavyšeńnia kvalifikacyi sudździaŭ i prakurorskich rabotnikaŭ. U momant vybaraŭ u represijach jon akazaŭsia niezadziejničany praz heta. Ale jon, dumaju, by byŭ zusim nie suprać», — miarkuje były kaleha.
Šydłoŭskaha pryznačyli na hetuju pasadu dziakujučy jaho ideałahičnym zasłuham, zasłuham pierad sistemaj.
«Jak vykładčyk jon niadrenny, čałaviek charyzmatyčny, ale za śpinaj moža vielmi mocna hnać. U mianie asabista byli ź im takija vypadki», — kaža były kaleha.
Apytanyja nami sychodziacca ŭ mierkavańni, što videa z vybačeńniami studenta nie mahło publikavacca biez zhody dekana. A mahčyma, i naohuł ź jaho inicyjatyvy i pry dapamozie namieśnika Kalinina.
«Z adnaho boku, heta novy ŭzrovień represij na jurfaku, ź inšaha boku, mahu mierkavać, što jon vytarhavaŭ takoje: student zapisvaje videa i nie traplaje za kraty. Takoje taksama moža być. Dla sistemy jon svoj čałaviek», — padzialiŭsia dumkami čałaviek z univiersiteckaha asiarodku.
Jurfak pranizany suviaziami ź siłavymi strukturami, šmatlikija vypuskniki jaho iduć tudy pracavać.
Čytajcie taksama:
Studentaŭ Baranavickaha ŭniviersiteta prymusili hladzieć intervju z Ramanam Pratasievičam
Kamientary
Kalinin - tot jeŝie kadr.