Jurfak BDU apublikavaŭ novaje videa na manier HUBAZiKa. Ciapier chłopca zmusili źviarnucca da «biehłaj apazicyi i psieŭdapravaabaroncaŭ»
Učora jurfak BDU ŭ instahramie apublikavaŭ videa sa studentam treciaha kursa, jaki prasiŭ prabačeńnia za dyskredytacyju BRSM i administracyi fakulteta. Videa było źniata na manier HUBAZiKa. Siońnia źjaviłasia novaje videa.
Učora jurfak apublikavaŭ storyz u svaim instahram-akaŭncie. U im student-treciakurśnik na fonie emblemy BDU i vyjavy Fiemidy vybačajecca pierad administracyjaj fakulteta i BRSM.
«Ja, student treciaha kursa BDU, dazvalaŭ sabie raspaŭsiudžvać źviestki, jakija dyskredytavali administracyju jurydyčnaha fakulteta, a taksama źviestki, jakija hańbiać BRSM jurydyčnaha fakulteta. Svaju vinu całkam pryznaju, kajusia. Na asnovie svaich pamyłak rekamienduju moładzi pilna sačyć, što, kamu, dzie i ŭ jakoj situacyi jany havorać, a taksama pracavać na karyść svajoj krainy», — ahučvaje ŭ videa student tekst, jaki, vidavočna, jaho prymusili skazać.
Siońnia «Naša Niva» źviazałasia z administracyjaj fakulteta i BRSM z prośbaj prakamientavać videa.
I voś ciapier u akaŭncie jurfaka BDU zjaviłasia novaje videa z tym ža studentam. Jon znoŭ vybačajecca i hetym razam prosić bolš nie turbavać jaho i jaho fakultet. Hety zvarot jon nakiravaŭ «źbiehłaj apazicyi» i «niekampietentnym pravaabaroncam».
-
Biełarusa ŭ žadańni abmiežavać paŭsiudnuju rekłamu kazino padtrymała Minhandlu. Ale prapahandysty paraili jamu «nie leźci nie tudy»
-
U harach Kyrhyzstana z drona adšukali cieły źnikłych biełaruskich alpinistaŭ
-
Ź Biełarusi vysyłajuć bolš za dziesiać polskich śviataroŭ. U Mahilovie ŭžo raźvitalisia z probaščam — i z prajektam novaha kaścioła
Kamientary
Raście kadr, ŭ chutkim časie jon budzie śpiecyjalistam pa katavańniam.