MARH «karektuje» sistemu rehulavańnia cen, ale zachavaje jaje da kanca hoda
Ministr antymanapolnaha rehulavańnia i handlu Alaksiej Bahdanaŭ raskazaŭ žurnalistam pra toje, jak buduć karektavać sistemu rehulavańnia cen, pieradaje BiełTA.
Pastanovaj urada numar 713 u minułym hodzie była ŭviedziena novaja sistema rehulavańnia cen. Adbyłosia heta paśla taho, jak u kastryčniku Łukašenka zahadaŭ spynić ceny.
U hetym hodzie ŭ Biełarusi stvorana ekśpiertnaja rabočaja hrupa dla realizacyi pastanovy.
«Jana hienieruje idei pa transfarmacyi dziejnaj sistemy cenavaha rehulavańnia ŭ niejki inšy miechanizm, vypracoŭvaje alternatyŭnyja prapanovy. Heta hłabalnaja zadača. Pakul my taksama pracujem nad udaskanaleńniem padychodaŭ na biahučy pieryjad, pakul pastanova numar 713 budzie jašče dziejničać», — skazaŭ Alaksiej Bahdanaŭ.
Pavodle jaho słoŭ, sioleta pastanovu admianiać nie płanujecca.
«My budziem pracavać pa joj uvieś hod, tamu što zadača staić vielmi napružanaja — zabiaśpiečyć 7—8 pracentaŭ inflacyi pa vynikach hoda. Novaja sistema cenavaha rehulavańnia dakazała svaju efiektyŭnaść. Z taho momantu, kali była pryniata heta pastanova, inflacyja zamarudziłasia na 12,7%», — skazaŭ ministr.
Tym nie mienš, pavodle jaho, naśpieła nieabchodnaść «udaskanalić padychody».
Alaksandr Łukašenka rasparadziŭsia z 6 kastryčnika ŭvieści zabaronu na pavyšeńnie cen u krainie. Heta ledź nie pryviało da kałapsu ŭ handli. Paźniej MARH uvodziła pasłableńni ŭ takoj sistemie rehulavańnia cen.
-
«Usie prymiežnyja parkoŭki zabityja furami ź litoŭskimi numarami». Łukašenka ŭvioŭ dadatkovyja abmiežavańni dla litoŭskich pieravozčykaŭ
-
U Biełarusi voźmucca za bankaŭskija kamisii. Abiacajuć, što niekatoryja ź ich źniknuć
-
Inflacyja nie bolš za 7%: zaćvierdžanyja asnoŭnyja ekanamičnyja pakazčyki na nastupny hod
Ciapier čytajuć
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno7
Kamientary