Značna pavialičylisia taryfy na pasłuhi aeraportaŭ, padaražejuć i kvitki
U Biełarusi ŭ 2,5 razu vyraśli dapuščalnyja maksimalnyja taryfy na pasłuhi aeraportaŭ. Ich pavyšeńnie praduhledžana dakumientam, jaki 20 maja apublikavała Ministerstva antymanapolnaha rehulavańnia i handlu.
Vydadzieny dakumient rehuluje rascenki, pa jakich vystaŭlajucca rachunki arhanizacyjam, što ekspłuatujuć pavietranyja sudny.
Tak, naprykład, zabieśpiačeńnie avijacyjnymi haruča-zmazačnymi materyjałami padaražeła z 20,8 da 52 rubloŭ za tonu, absłuhoŭvańnie pasažyra — z 4,32 da 10,8 rubla.
Pavieličeńnie hetych taryfaŭ niesumienna adabjecca na košcie kvitkoŭ — i heta tyčycca nie tolki avijakampanii «Biełavija», ale i ŭsich avijapieravozčykaŭ, jakija vykarystoŭvajuć biełaruskija aeraporty.
Apošni raz taryfy na pasłuhi aeraportaŭ źmianialisia ŭ Biełarusi ŭ listapadzie 2021 hoda.
Kamientary