Na samicie krain G7 u japonskaj Chirasimie abvieściać pra ŭviadzieńnie novych sankcyj suprać Rasii. Pra heta zajaviŭ žurnalistam nienazvany pradstaŭnik Biełaha doma, paviedamlaje «Jeŭrapiejskaja praŭda».
«Usie členy G7 rychtujucca da ŭviadzieńnia novych sankcyj i ekspartnaha kantrolu. Ja nie budu ŭdavacca ŭ detali taho, što robiać partniory, ale Złučanyja Štaty prapanujuć ułasny značny pakiet», — adznačyŭ jon.
Sa słoŭ pradstaŭnika Biełaha doma, ZŠA płanujuć pašyryć kantrol nad ekspartam, kab uskładnić zdolnaść Rasii padtrymlivać svaju vajskovuju mašynu. Heta, u pryvatnaści, praduhledžvaje značnaje abmiežavańnie katehoryj klučavych tavaraŭ vajenna-pramysłovaha kompleksu, a taksama adklučeńnie kala 70 subjektaŭ z Rasii i trecich krain ad atrymańnia ekspartu z ZŠA šlacham dadavańnia ich u čorny śpis.
«Akramia taho, my abjavim pra bolš čym 300 novych sankcyj suprać fizičnych, jurydyčnych asob, sudoŭ i samalotaŭ», — adznačyŭ čynoŭnik.
Hetyja miery buduć nakiravanyja na toje, kab spynić mahčymaść abychodu abmiežavalnych mier. Jany buduć nakiravanyja suprać finansavych pasiarednikaŭ, a taksama subjektaŭ, jakija dapamahajuć padtrymlivać raźviazanuju Rasijaj vajnu. Heta buduć sankcyi pa ŭsioj Jeŭropie, na Blizkim Uschodzie i ŭ Azii, dadaŭ jon.
Raniej daradca prezidenta ZŠA ŭ pytańniach nacyjanalnaj biaśpieki Džejk Salivan zajaŭlaŭ, što na samicie G7 nie buduć abmiarkoŭvać pytańnie poŭnaj zabarony ekspartu ŭ Rasiju, a asnoŭnuju ŭvahu buduć nadavać vykanańniu sankcyj i ŭchileńniu ad ich.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam4
Kamientary