Estonija amal udvaja pavialičyła kolkaść sił abarony vajennaha času
Urad Estonii pryniaŭ rašeńnie ab pavieličeńni kolkaści sił abarony vajennaha času da 43 700 čałaviek. Da hetaha ich skład naličvaŭ 26 700 čałaviek.
Takoje maštabavańnie maje niekalki važnych kampanientaŭ:
— kolkaść suchaputnych vojskaŭ budzie pavialičanaja ŭdvaja za košt 10,5 tysiačy bajcoŭ;
— budzie stvorany dadatkovy rezierv u 4 tysiačy bajcoŭ dla daŭkamplektavańnia asabovaha składu isnujučych padraździaleńniaŭ i adnaŭleńnia ich bojehatoŭnaści;
— dadajucca padraździaleńni, jakija zmohuć ažyćciaŭlać źniščeńnie voraha ŭskosnym naviadzieńniem i dadatkovyja padraździaleńni sił SPA.
«Z punktu hledžańnia nacyjanalnaj abarony, vielmi važna, kolki vajennych pazicyj maje Estonija. Urad Respubliki ŭstanaviŭ novuju vierchniuju miažu, jana składaje 43 700 čałaviek. Asnoŭnaje pavieličeńnie adbyvajecca za košt pavieličeńnia suchaputnaj abarony — u suchaputnuju abaronu budzie adpraŭlena bolš za 10 000 reziervistaŭ. Ciapier nieabchodna zabiaśpiečyć hatoŭnaść i pastajannuju padrychtoŭku hetaha składu, kab być hatovym harantavać zachavańnie svabody Estonii ad luboj pahrozy», —rastłumačyŭ ministr abarony Chana Pieŭkur.
Jon taksama dadaŭ, što dla padrychtoŭki siły abarony Estonii i Liha abarony Estonii (Kaitseliit) arhanizujuć maštabnyja vučeńni «Ussisõnad». Padčas hetych vučeńniaŭ reziervisty suchaputnych vojskaŭ buduć prachodzić pavyšeńnie kvalifikacyi.
Padkreślivajuć, što farmavańni vajennaha času mohuć być pryznačanyja tolki paśla abviaščeńnia mabilizacyi. Takim čynam, vierchniaja miaža vajennaha času vyznačaje, kolki asabovaha składu budzie mieć u svaim rasparadžeńni kamandujučy siłami abarony pry abjaŭleńni vajennaha stanovišča, nie čakajučy rasparadžeńniaŭ urada.
Asabovy skład vajennaha času rychtujecca terminovaj słužbaj i słužbaj u zapasie.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
Podozrievaju eto budiet narod ,
a russkojazyčnych i sierych pasportov tam połovina nasielenija.