Miadźviedzieŭ namiaknuŭ, što padazravanaha ŭ zamachu na Prylepina mohuć zabić u turmie
Namieśnik sakratara Rady biaśpieki, eks-prezident Rasii Dźmitryj Miadźviedzieŭ prakamientavaŭ padryŭ aŭtamabila piśmieńnika-prapahandysta Zachara Prylepina i namiaknuŭ, što z padazravanymi ŭ padryvie ŭ źniavoleńni moža adbycca «niaščasny vypadak», jaki pryviadzie da ich śmierci.
«Ale važna, kab jany i im padobnyja ŭśviedamlali prostuju reč — navat z asudžanymi da pažyćciovaha źniavoleńnia (va ŭmovach maratoryja na śmiarotnaje pakarańnie) časam adbyvajucca zdareńni i niaščasnyja vypadki. I tady praciahły termin pakarańnia chutka pieraryvajecca pa naturalnych pryčynach u suviazi sa śmierciu źniavolenaha. I heta taksama maje vialikaje vychavaŭčaje značeńnie dla novych miarzotnikaŭ, jakich naniali dla zabojstva», — napisaŭ jon.
Nahadajem, što 6 maja pad Nižnim Noŭharadam byŭ uzarvany aŭtamabil u jakim jechaŭ Zachar Prylepin, jaki viartaŭsia z Ukrainy. Zahinuŭ kiroŭca Prylepina, a sam piśmieńnik atrymaŭ pierałomy dźviuch noh.
U SK RF zajavili, što zatrymany pa padazreńni ŭ zamachu ŭradženiec Ukrainy Alaksandr Piermiakoŭ pryznaŭ svaju vinu.
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno18
Kamientary