Dziaržbanki pierastali publikavać hadavuju finansavuju spravazdačnaść
Najbujniejšyja biełaruskija dziaržbanki: Biełarusbank, Biełahraprambank, Bielinviestbank (sumarna bolš za 70% aktyvaŭ bankaŭskaj sistemy) — pierastali publikavać na svaich sajtach hadavuju finansavuju spravazdačnaść jak pa nacyjanalnych, tak i pa mižnarodnych standartach, źviarnuŭ uvahu «Interfaks».
Tak, na sajcie najbujniejšaha banka ŭ krainie — Biełarusbanka — u raździele «Raskryćcio infarmacyi» adsutničajuć buchhałtarskija bałansy i spravazdačy ab prybytkach i stratach.
Na sajcie druhoha pa vieličyni banka — Biełahraprambanka — zachavalisia bałansy i spravazdačy za pieryjad da 1 kastryčnika 2022 hoda, ale adsutničajuć hadavyja spravazdačy.
Na sajcie Nacbanka Biełarusi pa stanie na 2 maja taksama adsutničaje hadavaja spravazdačnaść biełaruskich bankaŭ, jakuju rehulatar tradycyjna publikavaŭ u pačatku krasavika.
«Banki pa-raniejšamu dajuć usiu nieabchodnuju spravazdačnaść u Nacyjanalny bank, što dazvalaje [rehulataru] ŭ poŭnaj miery ažyćciaŭlać efiektyŭny nahlad za ich dziejnaściu i stanam bankaŭskaha siektara krainy ŭ cełym», — prakamientavali «Interfaksu» ŭ pres-słužbie Nacbanka precedent z adsutnaściu danych ab dziejnaści bankaŭ na sajcie rehulatara.
A voś bankam, pavodle kamientaryja, dadziena prava samastojna vyznačać abjom raskryćcia spravazdačnaści, jakaja publikujecca imi na svaich sajtach.
Kamientary