Biełarus i ŭkrainka zahinuli ŭ aŭtakatastrofie, jedučy sa spatkańnia
Niedaloka ad Varšavy dniami adbyłasia avaryja: biełarus i ŭkrainka, viartajučysia sa spatkańnia, urezalisia ŭ dreva i aboje zahinuli. Pra padrabiaznaści trahičnaj avaryi napisała vydańnie Most.
3 krasavika 2023 hoda biełarus i ŭkrainka viartalisia sa spatkańnia. Pad horadam Vałomin Mazavieckaha vajavodstva ich aŭtamabil urezaŭsia ŭ dreva.
26-hadovaja ŭkrainka chutka pamierła ŭ balnicy, kudy jaje špitalizavali miedyki, jakija pryjechali na miesca zdareńnia. A 34-hadovaha biełarusa zabraŭ viertalot chutkaj miedycynskaj dapamohi i jon jašče niejki čas zmahaŭsia za žyćcio, znachodziačysia ŭ krytyčnym stanie. Adnak traŭmy akazalisia niesumiaščalnymi z žyćciom i ŭrešcie mužčyna pamior.
Hetuju infarmacyju 26 krasavika paćvierdzili vydańniu se.pl u pres-słužbie akruhovaj prakuratury ŭ Varšavie.
Pavodle nieaficyjnaj infarmacyi, mužčyna, jaki znachodziŭsia za rulom aŭtamabila, značna pieravysiŭ chutkaść. Palicyjanty paviedamlali, što mašyna jechała pa trasie z chutkaściu ažno 220 km/h.
Kamientary