U Dziusieldorfie biełarus paraniŭ žonku nažom. Jaho łavili 10 palicejskich mašyn
U niamieckim Dziusieldorfie paśla svarki 55-hadovy biełarus paraniŭ svaju 35-hadovuju žonku nažom. Jon pasprabavaŭ uciačy, ale byŭ zatrymany. Pra heta paviedamlaje vydańnie «Biełaruś i śviet».
Incydent adbyŭsia ŭ sieradu, 19 krasavika, u 07.20 ranicy ŭ kvatery biełaruskaj pary na vulicy Rastokier-štrase. Muž napiaredadni śviatkavaŭ dzień naradžeńnia, i tamu vypivaŭ. Zatym u muža i žonki adbyŭsia kanflikt, padčas jakoha naš suajčyńnik, jaki mieŭ u arhaniźmie kala 1,8 pramile, jak miarkujecca, udaryŭ partniorku nažom i ŭciok, pakinuŭšy paciarpiełuju ŭ kvatery.
Śviedki vyklikali palicyju. Prybyŭšy na miesca, tyja znajšli ŭ pamiaškańni žančynu z mocnym kryvaciokam i pačali vyšuk. Byli zadziejničanyja dziesiać patrulnych mašyn, ačapili rajon. Mierapryjemstvy zaviaršylisia paśpiachova. Praz karotki čas pravaachoŭniki zmahli zatrymać mužčynu niedaloka ad miesca złačynstva.
Paranienuju dastavili ŭ balnicu, jaje žyćciu bolš ništo nie pahražaje. Na miescy złačynstva byli kanfiskavanyja šmatlikija dokazy. Padazravany znachodzicca pad vartaj, viadziecca rasśledavańnie pa spravie ab zamachu na zabojstva.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary