У Дзюсельдорфе беларус параніў жонку нажом. Яго лавілі 10 паліцэйскіх машын
У нямецкім Дзюсельдорфе пасля сваркі 55-гадовы беларус параніў сваю 35-гадовую жонку нажом. Ён паспрабаваў уцячы, але быў затрыманы. Пра гэта паведамляе выданне «Беларусь і свет».
Інцыдэнт адбыўся ў сераду, 19 красавіка, у 07.20 раніцы ў кватэры беларускай пары на вуліцы Растокер-штрасэ. Муж напярэдадні святкаваў дзень нараджэння, і таму выпіваў. Затым у мужа і жонкі адбыўся канфлікт, падчас якога наш суайчыннік, які меў у арганізме каля 1,8 праміле, як мяркуецца, ударыў партнёрку нажом і ўцёк, пакінуўшы пацярпелую ў кватэры.
Сведкі выклікалі паліцыю. Прыбыўшы на месца, тыя знайшлі ў памяшканні жанчыну з моцным крывацёкам і пачалі вышук. Былі задзейнічаныя дзесяць патрульных машын, ачапілі раён. Мерапрыемствы завяршыліся паспяхова. Праз кароткі час праваахоўнікі змаглі затрымаць мужчыну недалёка ад месца злачынства.
Параненую даставілі ў бальніцу, яе жыццю больш нішто не пагражае. На месцы злачынства былі канфіскаваныя шматлікія доказы. Падазраваны знаходзіцца пад вартай, вядзецца расследаванне па справе аб замаху на забойства.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары